सिरहामा बसको ठक्करबाट एक शिक्षकको मृत्यू !

न्यूज ब्यूरो, सिरहा । सिरहामा बसले मोटरसाईकललाई ठक्कर दिँदा एकजनाको ज्यान गएको छ । सिरहाको नरहा बलुवास्थित गुडिरहेको बस र मोटरसाईकल ठोक्किँदा मोटरसाईकल चालकको ज्यान गएको हो ।

मृत्यू हुनेमा औरही ईटाटारका अन्दाजी ३७ वर्षीय रहमान खान रहेको सिरहा प्रहरीले जनाएको छ । पेशाले शिक्षक रहेका खानको उपचारको क्रममा मृत्यू भएको हो ।

सिरहाबाट चोहर्वा तिर आउँदै गरेको बा. १ ख. ६८८५ नम्बरको बसले खान सवार स. ७ प. ९५३८ नम्बरको मोटरसाईकललाई करिब २ बजेको समयमा ठक्कर दिएको थियो ।

मोटरसाईकल र ठक्कर दिने बस प्रहरीको नियन्त्रणमा रहेको छ भने बसका चालक फरार रहेको प्रहरीले जनाएको छ । उनको खोजी कार्य भइरहेको जनाइएको छ ।

मृतक खानको शव पोष्टमार्टमका लागि लहान लगिएको छ ।