कुशवाहा समाज जनकपुर नगर समितिलाई प्रमाणपत्र

न्यूज ब्यूरो, जनकपुरधाम । नेपाल कुशवाहा कल्याण समाज, जनकपुरधाम उपमहानगरपालिका नगर समितिका नवनिर्वाचित पदाधिकारीहलाई शनिवार एक समारोहकाबीच प्रमाणपत्र बितरण गरिएको छ ।

नवनिर्वाचित नगर समिति अध्यक्ष रामनिवास महतोको अध्यक्षता तथा पूर्व जिल्ला अध्यक्ष रामचन्द्र महतोको प्रमुख आतिथ्यमा कुशवाहा कुट्टीको प्राङगनमा आयोजित एक समारोहकाबीच नवनिर्वाचित पदाधिकारीहरुलाई प्रमाणपत्र बितरण गरिएको नेपाल कुशवाहा कल्याण समाज (बुद्धिजीवी सामाज)का अध्यक्ष विश्वलाल सिंहले जनाए ।

केही दिन अघि मात्र राम निवास महतोको अध्यक्षतामा २१ सदस्यीय जनकपुरधाम नगर समिति गठन गरिएको थियो । समितिको उपाध्यक्षमा मोहनलाल महतो, सचिवमा विनोद कुमार महतो, सह सचिवमा शिवशंकर महतो, कोषाध्यक्षमा किशोर महतो लगायत निर्वाचित भएका थिए ।

कार्यक्रममा कुशवाहा कुटीका महन्थ किशोरी शरण दास, समाजका बुद्धिजीवी समाजका भुवनेश्वर महतो, जिल्ला अध्यक्ष योगेन्द्र महतो, पूर्व जिल्ला सचिव उदय महतो लगायत धनुषा र महोत्तरीका कुशवाहा समाजका अगुवाहरुको उपस्थिति थियो ।

जनकपुरधामको गंगा सागरको छेउमै रहेको साकेत बिहारी कुशवाहा कुटीमा धर्मशाला निर्माणको लागि कार्य अगाढि बढाइएको समाजले जनाएको छ ।

धर्मशाला निर्माणको लागि नक्सा निर्माण लगायतको पहिलो चरणको कार्य पुरा भएको बुद्धिजीवी समाजका भुवनेश्वर महतोको जनाए ।