प्रदेश २ को राजधानी 'जनकपुरधाम' राख्न एकमत !

न्यूज ब्यूरो, जनकपुरधाम । प्रदेश २ को राजधानी जनकपुरधाम राख्न एकमत देखिएको छ । स्थायी राजधानी पनि जनकपुरधाममै राख्न सरकार र प्रतिपक्ष एकमत देखिएको हो ।

प्रदेशको नामकरणमा भने विवाद अझ विवाद रहेको देखिएको छ । प्रदेशसभाको मंगलबार बसेको बैठकमा प्रतिपक्षी कांग्रेस संसदीय दलका नेता रामसरोज यादवले नामकरणको विवादबाट सरकार भाग्न खोजेको आरोप लगाए ।

राजपा सांसद बच्चा राउतले राजधानी करिब करिब तय भइसकेको जनाउँदै जनकपुरधाम हुनेमा कुनै शंका नरहेको बताए । प्रदेशको नामकरणका लागि छलफल आवश्यक रहेको उनले औल्याए ।

प्रदेश २ सरकारले प्रदेशको नामाकरण र राजधानीको लागि समिति गठन गरेको लामो समय भएपनि हालसम्म टुँगो लाग्न नसकेको हो । प्रदेशको नाम के हुने र राजधानी कहाँ हुने सबैको चाँसोको विषय बनेको छ ।