नेवि संघको ५०औं स्थापना दिवसको अवसरमा चितवनमा दिप प्रज्वलन

न्यूज ब्यूरो, चितवन । नेपाली कांग्रेसको भातृ संगठन नेवि संघको ५०औं स्थापना दिवस शुक्रवार विभिन्न कार्यक्रम गरी मनाइएको छ । संघमा आवद्ध रहेकाहरु देशको विभिन्न स्थानमा स्थापना दिवस मनाइरहँदा चितवनमा समेत दिप प्रज्वलन गरेर मनाइएको छ ।

नेवि संघको ५०औं स्थापनाकालको अवसर पारेर चितवनका अरुणोदय कलेजको आयोजना तथा यूटेक कलेजको सह–आयोजनामा सम्पन्न स्थापना दिवस कार्यक्रममा सहभागीहरुले दिप प्रज्वलन गर्दै अगामी दिनमा अझ प्रभावकारी ढँगले प्रस्तुत हुने प्रण गरेका छन् ।

चितवनको चौबिसकोठीमा यूटेक कलेजका सभापती सूवर्ण खरेलको सभापतित्वमा सम्पन्न उक्त कार्यक्रममा प्रमुख अतिथिका रुपमा नेपाली कांग्रेस चितवनका निवर्तमान सभापति टेक प्रसाद गुरुङ सहभागी थिए भने विशिष्ट अतिथिका रुपमा पूर्व पार्टी सभापती टिकाराम न्यौपाने, महासमिति सदस्यहरु प्रकाश अधिकारी, राजेश्वर खनाल, नेवि संघका निवर्तमान केन्द्रीय उपाध्यक्षहरु निलकण्ठ रिजाल, नेवि संघका निवर्तमान केन्द्रीय सदस्यहरु कल्पना पौडेल, सरोज रेग्मी, नेवि संघको पूर्व केन्द्रीय सदस्य निर्मल पौडेल, विद्यार्थी नेता प्रमेश्वर खनाल लगायतका सहभागी थिए । त्यसैगरी, अतिथिका रुपमा तथा विभिन्न कलेजका सभापतीहरु सहभागी रहेको नेवि संघका विद्यार्थी नेता साजन गुरुङले जानकारी दिए ।

नेपाली कंग्रेसको भातृ संगठन नेवि संघ विद्यार्थीहरुको हकहितका लागि लड्दै आएको छ ।