डा. सिके राउतको जनसभामा ओर्ले जनसागर, मधेश गानले गरियो स्वागत !

न्यूज ब्यूरो, सिरहा । जनमत पार्टीद्धारा सिरहाको मिर्चैयामा आयोजित विशाल जनसभा सुरु भएको छ ।

जनमत पार्टीका अध्यक्ष डा. सिके राउतले दिप प्रज्वलन गरेपछि र रातो साडीचोलोमा सजिएका पञ्चकन्याले मधेश स्वागत गान गाएसँगै कार्यक्रम सुरु भएको हो ।

कार्यक्रम सुरु हुनुअघि सहिदको सम्मानमा १ मिनेट मौन धारण समेत गरिएको थियो ।

डा. राउतको सम्बोधन सुन्नका लागि हजारौं हजारको संख्यामा उनका समर्थक ओर्लेका छन् ।

भारी जनमानस उपस्थित रहेकोे उक्त विशाल सभालाई सुरक्षा व्यवस्थाको दृष्टिकोणले दुरुस्त बनाउन नेपाल प्रहरी सुरक्षा दिइरहेका छन् भने उनका आफ्नै सुरक्षागार्डहरु समेत तैनाथ छन् ।