रौतहटमा पनि हावाहुरीको कहर, एक जनाको मृत्यूसँगै बस्ती भयो उजाड !

न्यूज ब्यूरो, रौतहट । बारामा हावाहुरीको कहरको दुई साता पनि नबित्दै रौतहटमा पनि हावाहुरीले उदण्डता देखाएको छ ।

मँगलबार हावाहुरीसँगै आएको असिना पानीले रौतहटमा एक जना महिलाको ज्यान गएको छ । जिल्लाको देवाही गोनाही नगरपालिका वडा नं. ३ देवाहिटोलमा हावाहुरीबाट एक महिलाको मृत्यु भएको हो। हावाहुरीमा स्थानीय धनेशराम महराकी श्रीमती अन्दाजी ६६ वर्षीय रमसखरीया देवीरामको मृत्यु भएको प्रहरीले जनाएको छ ।

असिनापानी सँगै आएको विनाशक हावाहुरीले घरको छाना उडाउँदा त्यसबाट झरेको टालीले गम्भिर चोट लागेर उनको मृत्यू भएको स्थानीय प्रहरीले जनाएको छ । मँगलबार आएको हावाहुरी पनि गत साताको आईतबार साँझ बारा र पर्सा जिल्ला आएको विनाशकारी हावाहुरी जस्तै रहेको हाम्रा सहकर्मी सँजय सहनीले जानकारी दिए । हावाहुरीबाट उक्त वडाको स्थानीयहरुको घरहरुको छाना उडाएको छ भने रुखहरुलाई समेत ढालेको छ ।

यसबारे थप जानकारी अहिले आउने क्रम जारी रहेको छ ।