डा. सिके राउत ग्राउन्ड जिरोमा, हावाहुरी पीडितलाई भेटेर के भने ?

न्यूज ब्यूरो, जनकपुरधाम । जनमत पार्टीका अध्यक्ष डा. सिके राउत हावाहुरी प्रभावित क्षेत्रको ग्राउन्ड जिरोमा पुगेका छन् । बिनासकारी दैविक प्रकोपबाट प्रभावित पीडितहरुको अवस्था बुझ्न डा. राउत मंगलबार स्थलगत अनुगमन गरेका हुन् ।

आइतबार राती आएको भीषण हुरीबाट अपूर्णीय क्षति ब्यहोरेका बारा, पर्सा लगायतका जिल्लालाई भेट्न विभिन्न शिर्ष निताहरु पुगिरहेका बेला डा. राउत आज दिनभरी त्यहाँको अवस्थाबारे निरीक्षण गरेका छन् ।

अनुगमनका क्रममा डा. राउतलाई पीडितहरुले घाईतेहरुको उपचारका लागि सरकारले प्रयाप्त औषधि र सुविधा उपलब्ध गराउन नसक्दा बढी ब्यक्तिले मृत्यूवरण भोग्नुपरेको गुनासो सुनाएका छन् । घाईतेहरुलाई समयमा औषधि उपचार मिलेको भए केहीको ज्यान जिगिन सकिन्थ्यो भनेर डा. राउतको फेसबूक पेजमा लेखिएको छ ।

डा. राउत नेतृत्वको जनमत पार्टीमा आवद्ध उनका स्थानीय समर्थकहरु दुई दिनदेखि निरन्तर उद्धार तथा राहत संकलनमा सक्रिय छन् भने मधेशका अन्य जिल्लाका नेता तथा कायकर्ताहरु समेत राहत संकलनमा जुटेका हुन् ।

त्यसैगरी, रगत अभावले घाईतेहरुको उपचार प्रभावित बनेको खबर सार्वजनिक भएपछि विद्यार्थी जनमत संघले रक्त समेत संकलन गरेका थिए ।

डा. राउत त्यहाँ पुगेर सहयोग घोषणा गर्ने बुझिएपनि अहिले आधिकारिक घोषणाको जानकारी भने आएको छैन ।