विद्यार्थी आन्दोलन : बारामा प्रहरीको गाडीमा आगजनीपछि चलाइयो गोली, अवस्था तनावग्रस्त !

न्यूज ब्यूरो, बारा । प्रदेश २ मा एसईई परीक्षा रद्द गरिएको भन्दै आन्दोलनमा उत्रेका विद्यार्थीहरुको प्रदर्शनमा प्रहरीले गोली चलाएको छ । बारामा विद्यार्थीहरुले गरिरहेको प्रदर्शनमा प्रहरीले दमन गरेपछि आक्रोशित विद्यार्थीहरु प्रहरीको गाडीमा आगजनी गर्दा प्रहरीले गोली चलाएको हो ।

रोकि राखेको गाडीमा विद्यार्थीहरुले आगजनी गर्न थालेपछि ६ राउण्ड हवाई फायर गरिएको बताइएको छ । प्रहरीले गोली चलाएपछि त्यहाँको अवस्था तनावग्रस्त बनेको छ ।

सरकारले प्रदेश २ को परीक्षा स्थगित गरेको विरोधमा विद्यार्थीहरु आन्दोलनमा उत्रिएका हुन् । प्रदेश २ अन्तर्गतको आठै जिल्लाका विभिन्न स्थानमा विद्यार्थीहरु आन्दोलन चर्काइरहेका छन् ।