डा. सिके राउतलाई ज्यानको खतरा ? सरकारी बडीगार्ड किन दिइयो ?

न्यूज ब्यूरो, जनकपुरधाम । राज्य विप्लवको मुद्दामा बारम्बार सफाई पाएका डा. सिके राउत पुनः जेल काटेर विहिबार रिहा भएका छन् ।

विभिन्न जिल्लामा राज्य विप्लवको मुद्दा खेपिरहेका स्वतन्त्र मधेश गठबन्धनका संयोजक डा. सीके राउत रिहा भएलगत्तै उनको पछाडी सरकारी सुरक्षा गार्ड खटाइएको हो । अलगै मधेश देशको माग गर्दै आएका डा. सिके राउतलाई निगरानी गर्नको लागि सरकारले सरकारी बडिगार्ड उनको पछाडी लगाएको स्वतन्त्र मधेश गठबन्धनका प्रवक्ता अब्दुल खानले जानकारी दिए ।

पछिल्लो पटक रौतहट जिल्ला अदालत परिसरबाट पक्राउ परेका राउत सर्वोच्च अदालतको आदेशमा करिब ६ महिनापछि रिहा भएका हुन् । बिहीबार साँझ सुनधारास्थित सेन्ट्रल जेलबाट उनी रिहा भएपछि उनलाई सरकारी सुरक्षागार्ड सहित रिहा गरिएको हो ।

डा. राउतलाई सरकारको तर्फबाट सुरक्षाकर्मी उपलब्ध गराइएको छ । डा. राउतमाथि सुरक्षा चुनौती रहेको भन्दै एक जना सुरक्षाकर्मी उपलब्ध गराइएको हो । यस सन्दर्भमा गठबन्धनका प्रवक्ता खानले भने, - "अहिँसाका पुजारी डा. राउतलाई कुनै प्रकारको ज्यानको खतरा छैन, उनको गतिविधि उपर कडा निगरानी राख्नको लागि मात्र उनलाई बडिगार्डको रुपमा गुप्तचरझै लगाईको छ ।"