राजपाद्धारा नेकपा सरकारलाई दिएको समर्थन फिर्ता !

न्यूज ब्यूरो, जनकपुरधाम । राष्ट्रिय जनता पार्टी नेपाल (राजपा) ले सरकारलाई दिएको समर्थन फिर्ता लिएको घोषणा गरेका छन् ।

मधेशको माग पुरा गर्ने तथा राजपाका साँसद रेशम चौधरीलाई सपथ ग्रहण पश्चात रिहा गर्ने सहमति गरेपनि अदालतले बुधबार साँसद रेशम चौधरी सहित ११ जनालाई जन्मकैदको फैसला सुनाएपछि राजपाले केपी ओली सरकारलाई दिएको समर्थन फिर्ता लिने निर्णय गरेको हो ।

राजपाले काठमान्डौँको बबरमहल स्थित रहेको पार्टी कार्यालयमा आज बेलुकी पत्रकार सम्मेलन गर्दै दुई तिहाई बहुमत हुँदाहुँदै पनि संविधान संशोधन नगरको, मधेश र थरुहट आन्दोलनका बासिन्दाहरुको रिहाई नगरेको, उनीहरुमाथि लगाईका झुठ्ठा मुद्दा फिर्ता नलिएको, घाईतेहरुको उपचार नगराएको, बेरोजगारी समस्याको समाधान, महँगी नियन्त्रण र भ्रष्टाचार नियन्त्रण नगरेको, असिना एवम् बाढी पिडितलाई राहत नदिएको, निर्मला पन्तको लगायत बलात्कारी र हत्यारालाई कारवाही नगरेको, शान्ति सुरक्षा कायम गर्न नसकेको, सन्तुलित परराष्ट्र निति अबलम्बन नगरेको, राज्यको हरेक अँगमा दलित हितको पक्षपोषण मात्र गरेको, संघीयतालाई कमजोर गर्ने, प्रदेशलाई अधिकार नदिने, प्रशासन सँयन्त्रलाई पार्टीमुखी बनाई राख्ने र समग्रमा सरकारको एक बर्षे कार्यकाल पूर्णतः असफल रहेको ठहर गर्दै आजैदेखि सरकारलाई दिएको समर्थन फिर्ता लिएको घोषणा गरेको हो ।

राजपाले बुधबार जारी गरेको प्रेस विज्ञप्तिमा - "शोषण, उत्पीडन र विभेदका विरुद्ध पहिचान, अधिकार र सम्मानका लागि संघर्षरत विचार मिल्ने अधिकारवादी एवम् पहिचानवादी पार्टी, संगठन एवम् समूहलाई एकता, मोर्चा एवम सहकार्य गर्न राजपा नेपाल आह्वान गर्दछ ।" उल्लेख गरिएको छ ।

यसका साथै, २०७५ फागुुन १० गते देखि १८ गतेसम्म जनकपुरधाम, विराटनगर, नेपालगँज र भैरहवामा सम्पन्न राजपा नेपालका केन्द्रीय अध्यक्ष मण्डलसँग पार्टी आवद्ध प्रदेश नं. २ का मन्त्री एवम् राज्यमन्त्री, संघीय सदस्य एवम् पदेशसभा सदस्य, प्रदेश सरकार समन्वय समितिका सदस्य, जिल्ला अध्यक्ष मण्डलका सँयोजक एवम् सदस्य, जिल्ला समन्वय समितिका प्रमुख एवम् उप्रमुख, नगरपालिकाका प्रमुख एवम् उपप्रमुख, गाउँपालिकाका अध्यक्ष एवम् उपाध्यक्ष लगायतको नेता एवम् पदाधिकारीसँग सम्पन्न चरणवद्ध एवम् विस्तृत विचार विमर्शको सम्बन्धमा निर्णय गर्न अध्यक्ष मण्डलको बैठक समेत जारी रहेको प्रेस विज्ञप्तिमा उल्लेख गरिएको छ ।

कैलालीका राजपाका साँसद रेशम चौधरीलाई जन्मकैदको सजाए सुनाएपछि आक्रोसित राजपाले सरकारलाई दिएको समर्थन फिर्ता लिएको प्रतिक्रियाहरु समाजिक सँजालमा आउन थालेका छन् । यस बारे अध्यक्षमण्डलको बैठक भने जारी रहेको छ ।