महेन्द्रनगर : दुर्गा मन्दिरको सरसफाईमा विद्यार्थीदेखि मेयरसम्म

न्यूज ब्यूरो, जनकपुरधाम । महाशिवरात्रि तथा सेना दिवसको अवसरमा धनुषाको महेन्द्रनगर बजार र दुर्गामन्दिरको सरसफाइ गरिएको छ ।

क्षिरेश्वरनाथ नगरपालिकाको सखुवा महेन्द्रनगर स्थित रहेको नेपाली सेनाको गोरखनाथ गणको आयोजनामा शनिवार विहान सरसफाइ गरिएको हो ।

गोरखनाथ गणका गणपति भोला पाण्डेको नेतृत्वमा भएको महेन्द्रनगर बजार र त्यही रहेको दुर्गा मन्दिरको सरसफाई कार्यक्रममा क्षिरेश्वरनाथ नगरपालिका नगरप्रमुख योगेन्द्र पजियार, सेनानी देवी भुषाल लगायत नेपाली सेना, नेपाल प्रहरी, सशस्त्र प्रहरी, गंगोत्री स्कुलका शिक्षक तथा विद्यार्थी, खेलाडी, पत्रकार, व्यवसायी लगायतको उपस्थिति रहेको थियो ।

यही फागुन २० गते मनाइने शिव रात्रिको अवसर पारी विभिन्न ठाउँमा सरसफाइ गरिएको छ ।