जनकपुरमा वडा सदस्य र प्रहरीबीच झडप : प्रहरीले वर्षायो लाठी !

न्यूज ब्यूरो, जनकपुरधाम । जनकपुरधाम उप–महानगरपालिकाका वडा ५ का वडाध्यक्षले गरेको क्रियाकलापको विरोध गर्दै वडा कार्यालयमा तालाबन्दी गर्न गएका वडा सदस्यहरु उपर प्रहरीले लाठी चार्ज गरेको छ ।

वडाध्यक्षले सार्वजनिक बिदाको दिनमा सामाजिक सुरक्षा शाखामा मनमौजी तवरले आफ्नो मान्छेलाई नियुक्त गर्न खोजेको विरोधमा उनीहरूले तालाबन्दी गर्न खोज्दा प्रहरीले हस्तक्षेप गरेपछि झडपको रुप लिँदा प्रहरीले लाठी चार्ज गरेको हो ।

तालाबन्दी गर्न गएका वडा सदस्य सन्तोष साह, मनोज साह, नाजिर हुसैन लगायतका वडा सदस्यहरूलाई प्रहरीले लाठी चार्ज गर्दै तालाबन्दी गर्न दिएका थिएनन् । तालाबन्दीको प्रयास गर्ने क्रममा उद्योग वाणिज्य संघ जनकपुरधाम उपाध्यक्ष सुरेन्द्र भण्डारीलाई समेत प्रहरीले लट्ठी चार्ज गरेको थियो ।

प्रहरीले लाठी चार्ज गरेपछि त्यहाँको अवस्था तनावग्रस्त रहेको छ भने अहिले त्यहाँ प्रहरी परिचालन गरिएको छ ।

भिडियो हेर्नुहोस् :

https://www.facebook.com/100009353712378/videos/2254566221531813/