डा. सिके राउतका यी युवाहरु, जसले धरौटी रकम अस्विकार गर्दै जेल गए !

जनकपुरधाम, ४ फागुन । स्वतन्त्र मधेश गठबन्धनका सँयोजक डा. सिके राउतका समर्थक एवं कार्यकता अदालतले आदेश गरेको धरौटी रकम अस्विकार गर्दै कारागार चलान भएका छन् ।

गत माघ ५ गते बलिदानी दिवसको दिन सप्तरीको राजविराजबाट गिरफ्तार भएका गठबन्धनका राजविराज नगरापालिका–११ फर्सेठका २३ वर्षीय श्यामकुमार यादव, सोही ठाउँका १९ वर्षीय सरोजकुमार यादव, तिलाठी कोइलाडी गाउँपालिका–२ का २८ वर्षीय सुशिल मण्डल र सप्तकोसी नगरपालिका–१० का १९ वर्षीय अविनाश पण्डितले तोकिएको धरौटी रकम अस्विकार गर्दै पुर्पक्षका लागि कारागारमा चलान भएका हुन् ।

जनही ५० हजार धरौटी सुनाइएका उनीहरुलाई पुर्पक्षका लागि राजविराज कारागारमा राखिएको छ । जिल्ला अदालत सप्तरीका न्यायाधीश जवाहरप्रसाद सिंहको इजलासले चारै जनासँग जनही ५० हजार धरौटी रकम बुझाउन आदेश गरेको थियो ।

बालबालीका दुरुपयोग कसुर ऐन अन्तर्गत दायर गरिएको मुद्दामा अनुसन्धान गरी दोषी ठहर गर्दै उनीहरुलाई मोटो धरौटी रकम माग गरिएको हो ।

उनीहरु बिना कसुर मोटो धरौटी रकम माग गरेको भन्दै रकम अस्विकार गरेको छ ।