बेटी पढाउ, बेटी बचाउ : नगरकी छात्राहरुलाई मेयर वकिलको साईकल उपहार

रौतहट, २८ माघ । रौतहटको परोहा नगरपालिकाले छात्राहरुको मनोवल उच्च बनाउने उद्देश्यले स्थानिय विद्यालयमा अध्ययनरत छात्राहरुलाई साईकल वितरण गरेको छ ।

सोमबार श्री ब्रहम ज्योति मा.वि. लौकाहामा एक भव्य कार्यक्रमका बिच क्षेत्र नं.२ का चर्चित युवा नेता प्रमुख अतिथि रामचज्द्र गिरीको हातबाट १७४ वटा साइकल वितरण गरिएको हो । परोहा नगरपालिकाको बार्षिक क्रमागत कार्यक्रम अनर्तगत स्थानीय ५ वटा विधालयका कक्षा ८ मा अध्ययनरत छात्राहरुको पढाइ प्रति रुचि र झुकाव बढाउने उदेश्यका साथ उक्त परिमाणको साइकल वितरण गरिएको प्रमुख प्रशासकिय अधिकृत देवनाथ यादवले बताए ।

कार्यक्रमलाई सम्बोधन गर्दै प्रमख अतिथि गिरीले बिकास शिल र समृद्ध सामाज बनाउन शिक्षा आवश्यक रहेको बताउदै शिक्षा विकासको लागि परोहा नगरपालिकाले गरेको साइकल वितरण सामाज र राष्ट्र विकासमा ठूलो भूमिका खेल्ने बताए ।

जब सम्म छोरी चेली शिक्षित हुन्न तब सम्म उ बाट जन्मिने बालबच्चा समेत शिक्षित नहुने सोबाट घरपरिवार, गाउँ टोल, छरछिमेकको जिवन र भविष्य अन्धाकार हुने गिरीले तर्क गरे । सामाज सुधारने ठूलो जिम्मेवारी छात्राहरुको काधमा रहेको बताउदै शिक्षा विकासको लागि हुने सहयोग गर्न कहिले पछि नहट्ने प्रतिबद्धता समेत जनाए ।

कार्यक्रमका बिच श्री अनहोतीलाल मा.वि. बसन्पटीमा अध्ययनरत ५७ जना, श्री ब्रहम ज्योति मा।वि। लौकाहामा अध्ययनरत ३४ जना, श्री ओम मा।वि। नरकटियामा अध्ययनरत ५५ जना, श्री आधारभूत विधालय तेजापाकडमा अध्ययनरत २१ जना र श्री आधारभूत विधालय जिगंडवामा अध्ययनरत ७ जना गरी नगरपालिका भित्रका १७४ जना छात्राहरुलाई साइकल वितरण गरिएको नपाका मेयर तथा कार्यक्रमका अध्यक्षता गरेका शेख वकिलले संचारकर्मीलाई जानकारी गराए ।

कार्यक्रममा बोल्दै मेयर वकिलले टाढाबाट विद्यालयमा पठन पाठन गर्न आउने छात्राहरुलाई सजिलो, साहस र शिक्षाप्रति आकर्षण बढाउने उद्देश्य साइकल वितरण कार्यक्रम ल्याएको बताए ।

शिक्षा बिना कुनै क्षेत्रको विकास सम्भव नभएकोले शिक्षा सुधारको लागि आफूले यस्तो योजना ल्याएको बताए । आफूले चुनावी घोषणा पत्रमा शिक्षा विकासलाई जोड दिने छु भनेर लेखेको स्मरण गराउदै वकिलले चुनावी घोषणा पत्रको प्रतिबद्धता पूरा गरेको बताए ।

नगरपालिका भरीको विधालयको भौतिक पूर्वाधार, छात्रावृति वितरण, पोशाक सहित सिलाई राशी वितरण लगायत शिक्षा विकासका लागि चाहिने समपूर्ण अस्त्र निशुल्क उपल्बध गराएको समेत बताए । वकिलले शिक्षकको अभाव हन नदिन आफू तत्पर रहेको र विधालय व्यवस्थापनका लागि जमिन खरिद गर्न बजेट विनियोजन गरेको बताए ।

अब केहि दिन मै विधालयहरुमा दिवाखाजाको समेत व्यवस्था गराउने प्रतिबद्धता गर्दै छोरी चेलीलाई पढाइ तर्फ आकर्षित गर्न आफ्नो तर्फबाट छिटै नयाँ आकर्षक योजना ल्याउने ठोकुवा गरे ।

फरक प्रसंगमा बोल्दै मेयर वकिलले आफू शिक्षा विकासको लागि मात्रै हाइन नगरको किसानहरुको लागि कृषि साम्रागी उपलब्ध, सिंचाई विकासको ६८ डिप ट्युबेल जडान गर्ने प्रतिबद्धता व्यक्त गरे । मेयर वकिलले नगरको जनताको स्वास्थ्य सेवाको लागि न्यूनतम शुल्कमा एम्बुलेन्स सेवाको व्यवस्था गरिएको संचारकर्मीलाई जानकारी दिए ।

आउने सयममा नगरकोे बाटोघाटो, नाला निर्माण, बिजुली बत्तीको विकास नै आफ्नो उच्च प्राथमिकतामा रहेको प्रष्ट पारे । उहाँको यो अभियानबाट प्रदेश नं. २ को मुख्यमन्त्री मो। लालबाबू राउतले चलाएको बेटि पढाउ , बेटि बचाउ अभियानलाई निरन्तरता तथा सक्रियता दिइएको छ ।

नगरपालिकाका सर्वसाधारण ‘बेटि पढाउ बेटि बचाउ’ अभियान तर्फ आकर्षित भएको देखिएको छ । राउतको अभियानलाई सफल बनाउन पहिलो मेयर शेख वकिल रहेको र उहाँले सबै शिक्षा प्रेमी र सर्वसाधारणहरुको मन जित्न सफल भएको स्थानीय रामबाबु दास बताउँछन् ।

शिक्षा प्रेमीको रुपमा स्थापित मेयर वकिलले छोरी चेलीहरुको शिक्षामा जोड दिदै विद्यालय पुग्न सजिलो होस भन्ने अभिप्रायले छात्राहरुको लागि साइकल बाड्ने अभियान नै चलाए पछि सर्वसाधारणहरु महिला शिक्षा प्रति आकर्षित भएका शिक्षाविद बिन्दा सहनीले बताए ।

गत वर्ष पनि सो नगरपालिकाले अनहोतीलाल मा.वि. बसन्पटीका ११६ , ब्रहम ज्योति मा.वि. लौकाहाका ६६ र ओम मा.वि. नरकटियाका ३३ जना गरी २१५ जना छात्रालाई साइकल वितरण गरेका थिए । कार्यक्रममा स्थानीय पत्रकार, भद्रभलादमी र समाजसेवीहरुको उपस्थिति रहेको थियो ।