अब नेपालमा काम गर्न भारतीय कामदारले वर्क परमिट लिनैपर्ने !

एजेन्सी, २४ माघ । नेपालमा काम गर्ने भारतीय कामदारहरुको लागि अव विना "वर्क परमिट" को काम गर्न नपाउने भएको छ ।

नेपाल सरकारले नेपालमा रहेको उद्योग, कम्पनी तथा अन्य सँस्थानहरुमा समेत काम गर्नको लागि भारतीय कामदार (मजदुर) हरुले वर्क परमिट लिएपछि मात्र काम गर्न सकिने प्रावधान जारी गरेको छ । सरकारले वर्क परमिटलाई अनिवार्य गरेको हो ।

नेपालको श्रम तथा व्यवसायिक सुरक्षा विभागल बुधबार देशैभरीको कार्यालयहरुमा आदेश जारी गर्दै देशको भिन्ना भिन्नै स्थानमा तथा सेक्टरमा काम गर्ने भारतीय नागरिकको वास्तविक सँख्याको जानकारी दिन भनिएको छ ।

यसप्रति भारतले जुन कम्पनीमा काम गर्न भारतीय कामदारहरु नेपभल आएका छन् अनिवार्य रुपमा वर्क परमिट लिन आग्रह गर्ने तथा नलिएकाहरुले सम्बन्धित कम्पनीबाट वर्क परमिट लिनको लागि जानकारी गराउने बताइएको छ ।

अहिलेसम्म नेपाल र भारत एक विशेष संधिका अनुसार भारतीय नागरिकलाई नेपालमा काम गर्न तथा नेपाली कामदारलाई भारतमा काम गर्नको लागि वर्क परमिटको आवश्यकता देखिएको थिएनन् । नेपाल सरकारले यसउपर बोल्दै यस संधि सँगै नेपाल भारतको खुल्ला सीमालाई सुरक्षित गर्नको लागि तरिका मात्र अपनाएको हो ।

केही समय अघि मात्र नेपालमा भारतीय नोट २०० र ५०० को नोटलाई नेपभल सरकारले बन्देज लगाएको थियो ।