'नगरलाई समृद्धिको बाटोमा लैजाँदै छौँ' : कान्छो मेयर

जनकपुरधाम, १४ माघ । धनुषाको शहिदनगर नगरपालिकाका मेयर उदय कुमार बरबरिया (यादव) ले नगरका जनतामा समृद्धि थप्ने बताएका छन् ।

आईतबार नगरपालिकाको वडा नं. ४ स्थित गठित समुदाय प्रहरी वडा समितिको आयोजनामा गरिएको एक कार्यक्रमको दौरान बोल्दै मेयर बरबरियाले शहिदनगरको जनतालाई समृद्धिको बाटो र विकासलाई आत्मसात गर्नुपर्ने बताए । सामुदायिक सुधार केन्द्र धनुषा समेतको सहकार्यमा सम्पन्न भएको उक्त कार्यक्रममा नगरलाई मदिरामुक्त बनाउको लागि आगामी कदम बारे छलफल समेत गरिएको जनाइएको छ ।

तराई मधेशमा अहिले पनि बढदै गएको महिला हिँसा, घरेलु हिँसालाई मध्यनजर गर्दै स्थानीय प्रहरीको सहयोगमा समाजलाई खतरा र अपराधमुक्त बनाउनको लागि एक कदम अगाडी चालेको बताउँदै मेयर बरबरियाले मदिराजन्य पदार्थको सेवनकै कारण यस्ता घटनाहरुले प्रश्रय पाएको भन्दै मदिरामुक्त समाज निर्माण गरे नगर समृद्ध हुने बताए ।

सो कार्यक्रममा वर्तमान परिस्थितिमा बिग्रदों समाजलाई समृद्धी तर्फ लैजान मदिरा सेवन तथा घरेलु हिंसा रहित समाजको निमार्ण गर्न , "सुख शान्ति समृद्धिको लागी जांड रक्सी बिरुद्धको अभियान", "मदिरा छोडौं घरेलु हिंसा बन्द गरौं", "मदिरा छोडौं जिवन बचाऔं", "मदिरा सेवन घटाऔं आयु बढाऔं" जस्ता मूल नाराका साथ अघि बढने बताइएको छ ।

उक्त नारा सहित वडा नं. ४ को सम्पुर्ण वडा एरियामा रयालि कार्यक्रम गरी समुदाय प्रहरी साझेदारी कार्यक्रमलाई निरन्तर रुपमा प्रभावकारिता बढाउंदै लैजाने बिषयमा समेत अन्तरकृयामा बहस भएको बताइएको छ ।

सो कार्यक्रममा मेयर बरबरिया , नगर उप प्रमुख शिलादेवि कापर, ईलाका प्रहरी कार्यालय प्रमुख प्रहरी नीरिक्षक भीम बहादुर खड्का समेतको प्रहरी टोलिको उपस्थितिमा सोहि वडाका वडा अध्यक्ष, स्थानिय प्रतिनिधि, समितिका पदाधिकारीहरु, समाजसेवि, बुद्धिजिवि, स्थानिय बिद्यालयका बिद्यार्थिहरु लगायत स्थानिय महिलाहरु समेत गरी २०० बढीको सहभागीतामा अन्तरक्रिया सम्पन्न भएको थियो ।