सप्तरी इन्काउन्टर : 'प्रहरीले दीपेन्द्र चौधरीलाई नियन्त्रणमा लिएर गोली ठोके'

सप्तरी, १० माघ । बुधबार विहान सप्तरीका युवक दीपेन्द्र चौधरीको इन्काउन्टरप्रति विरोध जनाउँदै उनका परिवारजन आन्दोलित भएका छन् ।

चौधरीलाई नेपाल प्रहरीले इन्काउन्टरको नाममा हत्या गरेको अरोप लगाउँदै आन्दोलित भएका छन् । चौधरीलाई भारत प्रहरीको सहयोगमा पक्राउ गरी सप्तरी ल्याएर नेपाल प्रहरीले फेक इन्काउन्टर गरेको भन्दै जिल्ला प्रहरी कार्यालय सप्तरी अगाडी धर्ना बसेका हुन् ।

प्रहरीले भारतबाट पक्राउ गरी रुपनीमा ल्याएर ईन्काउन्टर गरेको चौधरी परिवारको आरोप छ । चेकजाँचका क्रममा चौधरीले शुरुमै गोली प्रहार गरेको र प्रतिरक्षामा फाइरिङ गर्दा चौधरीको मृत्यू भएको प्रहरीले जनाएको छ । तराईमा आपराधिक गतिविधि र चन्दा असुली लगायतका क्रियाकलापमा संलग्न रहेको आरोप चौधरी माथि लागेको थियो ।

तराई मुक्ति मोर्चाका अध्यक्ष समेत रहेका चौधरीले पटक–पटक प्रहरी माथि आक्रमण गरेको आरोप प्रहरीले लगाएको छ । तर उनलाई पक्राउ गरेर गोली हान्नु फेक इन्काउन्टर तथा प्रहरीले हत्या गरेको आरोप लगाइएको छ ।

जस्तोसुकै अपराधीलाई प्रहरीले पक्राउ गरेपछि हत्या गर्न नहुने भएपनि उनलाई गैर न्यायिक तवरले हत्या गरेको भन्दै परिवारजन आन्दोलित भएका छन् । प्रदेश प्रहरीको टोली समेत योजनावद्ध रुपमा उनलाई इन्काउन्टर गरेको हो । प्रहरीले दीपेन्द्रले नै पहिले गोली चलाएको बताएपनि घटनाको प्रकृति भने त्यस्तो नदेखिएको प्रत्यक्षदर्शीहरु बताउँछन् ।

यता, मधेशी युवाहरुलाई पुनः इन्काउन्टरको नाममा गैर न्यायिक तवरले हत्या गर्ने उदेश्यकै साथ नेपाल प्रहरी सक्रिय भएको आरोप युवाहरु लगाउँछन् । यसअघि पनि कैयौँ यस्ता गैर न्यायिक घटनाहरुमा प्रहरी सँलग्न भएपनि मानवअधिकार आयोग समेत चुप्पी लादेको बताइन्छ ।

पहाडी जिल्लाहरुमा विप्लवका कार्यकर्ताहरु तथा नेताहरु यत्रो जनधनको क्षतिमा सँलग्न र तहल्का मच्चाएपनि नेपाल प्रहरी मुकदर्शक हुनु र तराई मधेशमा सानो तिनो घटनामा सँलग्न भएकै आरोपमा पनि नियन्त्रणमा लिएर गोली ठोक्नु हत्या मात्र भएको बताउँछन् ।