ब्रेन ट्युमर भएका बालक पप्पुको परिवार नोबेल हस्पिटलमै बन्दी !

जनकपुरधाम, ४ माघ । ब्रेन ट्युमर रोगी पप्पु पासमान बिराटनगरको नोबेल मेडिकल कलेजमा पैसा तिर्न नसकेपछि बन्दि जीवन बिताइरहेका छन्।

सिरहाको कर्जन्हा नगरपालिका घर भएका बासिलाल पासमानको १३ बर्षिय छोरा पप्पु पासमानलाई केही महिना पूर्व ब्रेन ट्युमर भएको थियो, तर घरको अबस्था एकदम कमजोर भएको हुनाले ओहाको इलाज गराउन नसकेर पप्पुको बुवाले गाउकै केही समाजसेवि ब्यक्तिहरु संग पप्पुको उपचारका लागि हार-गुहार लगाएका थिए ।

त्यतिबेला त्यही कर्जन्हाका केही समाज सेविहरुले समाजिक संजालको माध्यमबाट पप्पुको जीवन रक्षाका लागि सहियोगका अपिल गरेका थिए । त्यतिबेला पप्पुको नाममा बिदेशी संघसंस्था नेपाली संघसंस्था लगायत धेरै जनाहरुले सहियोग गरेका थिए ।

तर, सहियोगका नाममा उठेको रकम पप्पुको खातामा दुई लाख पचास हजार भैसकेको भनेर एक समाजसेवीको फेसबुक वालमा पोस्ट गरिएको थियो । तर यता पप्पुको उपचार केही समाज सेविहरुको सहियोगमा शतप्रतिशत छुट भएर गराएको जानकारी समेत एकजना समाजसेविको पोस्टमा देखिएको थियो ।

यता, पप्पु पासमानको उपचार भएको तिनमहिना नै बित्दा उनी पुन बिरामी भएका थिए र पप्पुको उपचारका लागि उसको मामाले फेरि बिराटनगरको नोबेल अस्पतालमा लगेका थिए भने पप्पुको दोस्रो अपरेसन हुन सफल भयो । तर अपरेसन र अस्पतालको रकम चुक्ता गर्नका लागि तत्काल पप्पुको बुवा संग पैसा नभएकोले पैसा लिनका लागि सिरहाको कर्जन्हा आएका पीडित पप्पूका बुवा अहिले १० दिनदेखि पप्पूलाई भेटनका लागि अस्पताल गएको छैन ।

पप्पुको बारेमा पप्पुको मामाले श्री सल्हेश सेवा समाज अध्यक्ष दुर्गानन्द पासवानलाई फोन गरी समस्या बारेमा जानकारी गराएका थिए । यता, यो खबर जानकारी पाए पछि अध्यक्ष दुर्गानन्द र कोषाध्यक्ष मनोजले पप्पुको बुवालाइ यो बारेमा जानकारी लिन खोज्दा पप्पुको बुवाले पप्पुलाई अस्पतालबाट बन्धक हटाउन रकम अपुग भएकोले पुनः सहयोगको अपेक्षा जाहेर गरे । गाउँमा कसैले पनि रकम सहयोग नगरेको कारण आफूहरु अस्पतालमै बन्दीझै भएको भन्दै तत्कालै सहयोग गर्न अपिल समेत गरे ।

सल्हेश समाजका पदाधिकारीहरुले पप्पूको ईलाजमा उठेको रकमको हिसाब र अस्पतालको इस्टिमेट बिल उपलब्ध गराईदिन आग्रह गरेपछि उनको बुवाले भने अस्पताल नगएर अहिलेसम्म उक्त बीलको बारेमा जानकारी गराउन सकेको छैन । तर उनको बुवाले भने करिब सवा लाख रुपैयाँ खर्च भएको जानकारी दिएका छन् ।