थप्पड प्रकरणका सचिव झा केही घण्टामै डिस्चार्ज

प्रदेश नं. २ को वन मन्त्रालयका सचिव विद्यानन्द झा थप्पड प्रकरणमा अहिले चर्चाको विषय बनेको छ ।

प्रदेश नं. २ कै आर्थिक मामिला तथा योजना मन्त्री विजय यादवले आफूलाई थप्पड हानेको भन्दै सचिव झा अस्पताल भर्ना भएका थिए । मन्त्री यादवको आफन्तको एनजिओको काम नगरिदिँदा आफूलाई झापड हानेको आरोप लगाउँदै सचिव झाले जनकपुरको केयर मेडिकल सेन्टरमा उपचारको लागि भर्ना भएका थिए ।

अस्पतालले उनलाई दिउँसो १ बजे नै डिस्चार्ज गरेपछि सचिव झाले अबेर साँझसम्म अस्पतालमै भर्ना भएको जानकारी विभिन्न सँचारमाध्यमहरुमा दिएका थिए । जनकपुरबाट सँचालित केही सँचारमाध्यमहरुका समेत अपरान्ह ५ बजेसम्म सचिव अस्पतालमै भर्ना भएको समाचार सम्प्रेषण गरेको भएपनि झालाई दिउँसो १ बजेतर्फ नै डिस्चार्ज गरिएको अस्पताल श्रोतले जनाएको छ ।

सचिव झाले आफूलाई मन्त्री यादवले थप्पड हानेपछि दाँत र गिजामा चोट लागेको भन्दै अस्पताल भर्ना भएका थिए । दाँत र गिजामा समान्य चोट लागेपछि तत्कालै चेकजाँच गराउनुपर्ने आवश्कयता भएपनि सचिव झाले बेड भर्ना नै गरेका थिए ।

यता, सचिव झालाई थप्पड हानेको आरोप लगाइएका मन्त्री यादवले भने उनलाई उपचारको आवश्यकता औल्याएका छन् । सचिव झाको मेन्डल डिस्अर्डर डिप्रेशन जस्तै देखिएको भन्दै उनले कर्मचारी भएकोले प्रदेश सरकारले उनको उपचार समयमै गराउनुपर्ने समेत बताएका छन् ।