साँसदमै उमा शंकर अरगरियाले भने,- 'धनुषाको भन्सारमा छुट पूर्जी कहिले काटिने ?'

जनकपुरधाम, २९ पुस । संघीय साँसद उमा शंकर अरगरियाले धनुषा जिल्लाको विभिन्न भन्सारमा काटिने गरेको छुट पूर्जी बन्द गरिएकोप्रति आपत्ति जनाएका छन् ।

संघीय समाजवादी फोरम नेपालबाट धनुषा निर्वाचन क्षेत्र नं. २ का प्रतिनीधिसभा सदस्य समेत रहेका अरगरियाले धनुषाको जिल्लाको हकमा कुरा उठाउँदै जिल्लाको विभिन्न मुख्य भन्सारहरुमा छुट पूर्जी काटिनु बन्द भएको कैयौँ वर्ष भएपनि अहिलेसम्म छुट पूर्जी नकाटिनथालेपछि सर्वसाधारणहरुलाई सास्ती भएको भन्दै साँसद मार्फत ध्यानाकर्षण गराएका छन् ।

धनुषाको महुवा, महिनाथपुर, दुहबी र मुख्य नाका जटही भन्सारबाट भारततर्फ जाने सवारी साधनलाई छुट पूर्जी काटिनु बन्द भएकोप्रति आपत्ति जनाउँदै जटहीनाका देखि इनरुवासम्म जान मात्र ४० किलोमिटर जानुपर्ने बाध्यता कायम भएको भन्दै सरकारलाई ध्यानाकर्षण गराएका हुन् । जटही भन्सारका कार्यालयको लापरवाहीले गर्दा जिल्लावासीलाई विरामी लिएर भारत जान पनि समस्या उत्पन्न भएको बताए ।

विहान हिडने सवारी सडकको अवस्था जीर्ण भएको कारण दिनैभरिमा सीमासम्म पुग्ने अवस्था औल्याउँदै नेता अरगरियाले अर्थमन्त्रीलाई यस्ता समस्याप्रति ध्यानाकर्षण गराए । अर्को सन्दर्भमा बोल्दै उनले धनुषाको पूर्वी क्षेत्र कमला नदि किनारका किसानहरुको पीडा बारे साँसद मार्फत सरकारलाई ध्यानाकर्षण गराए ।

कमला नदि किनारका किसानहरुलाई हजारौँको सँख्यामा जँगलबाट उत्ता पसेका नीलगाई, जँगली सुँगुर र स्यालले स्थानीय किसानहरुलाई नै घाईते बनाउने गरेको बनाउँदै त्यसलाई नियन्त्रणको लागि सरकारी टिमको आवश्यकता औंल्याए । कृषिमा आश्रीत ती किसानहरुको पीडाबारे बोल्दै उनले तत्कालै किसानहरुको समस्या समाधानको लागि आवाज उठाए ।

तर, संघीय साँसदमा नेता अरगरियाले जहिले पनि स्थानीय भाषामा सरकारलाई ध्यानाकर्षण गराउँदा सम्बन्धित मन्त्रीगण तथा सभामुखले समेत उक्त भाषा नबुझेके कारण अहिलेसम्म उनले माग उठाएपनि सुनुवाई भने हुन सकेको छैन । उनले उठाएको मुद्दा सान्दर्भिक भएपनि भाषाको कठिनाईले गर्दा सम्बन्धित सरोकारबालाहरु समक्ष पुग्न नसकी समस्या जस्ताको त्यस्तै रहेको छ । नेता अरगरियालाई संघीय साँसदमा नेपाली भाषामै समस्याबारे उठान गर्नुपर्ने यहाँका जनताहरुको गुनासो रहेको छ ।