जनकपुरधाममा आफ्नोपनको अनुभूतिः योगी

न्यूज ब्यूरो, जनकपुरधाम । विदेह राजा जनकको नगरी जनकपुरधाममा विवाहपँचमीमा जन्ती बनेर आएका भारत युपी राज्य (उत्तर प्रदेश) का मुख्यमन्त्री योगी आदित्यनाथले जनकपुरधाम आएर अपनत्वको अनुभूति भएको बताएका छन् ।

जनकनन्दनी माता सीता र दशरथ पुत्र भगवान रामको विवाहोत्सवमा आज (बुधबार) भारतको अयोध्याबाट जन्तीको नेतृत्व गर्दैै जनकपुरधाम आएका योगीले नेपाल र भारत मित्र राष्ट्र मात्र नभई सम्बन्ध राष्ट्र रहेको बताउँदै उनले नेपाल र भारत दुई शरिर भएपनि आत्मा भने एकै भएको बताए ।

सीताराम विवाहपञ्चमी महामहोत्सवको अवसरमा रंगभूमि मैदानमा आयोजित स्वयँवर समारोहलाई सम्बोधन गर्दै मुख्यमन्त्री योगीले माता सिता बिना रामको कल्पनासमेत गर्न नसकिने बताए ।

हिन्दुवादी नेतासमेत मानिएका योगीले जनकपुरधामको विवाहपँचमी जस्तो जनसहभागिता अन्य ठाउँमा विरलै हेर्न पाइने गरेको सुनाए । उनले विश्व प्रशिद्ध जानकी मन्दिरलाई चाँडै विश्व सम्पदा सूचीमा सूचिकृत गरिने समेत बताए । त्यसको लागि प्रारम्भिक काम समेत सुरु भइसकेको उनले थपे ।

विवाहपँचमीमा यसपटक अन्य वर्षको तुलनामा बढी श्रद्धालुहरु सहभागी भएको बताइएको छ भने रँगभुमी मैदानमा आज लाखौँ लाखको सँख्यामा नेपाल र भारतका दर्शनार्थीहरु सहभागी थिए ।