मधेश सरकारको भण्डारामा 'योगी आदित्यनाथ'

न्यूज ब्यूरो, जनकपुरधाम । भारतको उत्तर प्रदेशका मुख्यमन्त्री योगी आदित्यनाथ मधेश सरकारले आयोजना गरेको भण्डारामा सहभागी भएका छन् ।

रामजानकी विवाह महोत्सव ( विवाहपञ्चमी ) मा सहभागी हुन विहानै जनकपुरधाम आईपुगेका मुख्यमन्त्री योगी जन्ती ( बाराती) लाई नेतृत्व गर्दै मधेश सरकारले आयोजना गरेको भण्डारामा सहभागी भएका छन् ।

प्रदेश नं. २ का सरकार (मधेश सरकार) ले योगीको सम्मानमा जन्ती सहितको १ हजार १ मूर्ते साधुसन्तको भण्डारामा योगी सहभागी भएका छन् । योगीको सम्मानमा गरिएको भण्डारामा ३६ प्रकारको व्यञ्जन परिकार बनाइएको छ ।

राईस जिरा, दाल फ्राइ, मटर पनिर, मिक्स भेज, गोभी फ्राइ, कचौरीरपालक पुरी, सादा रोटी, खिर, गाजरको हलुवा, सुजी हलुवा, अमिति, बुनिया, पेडा, काला जामून, ३ प्रकार रसभरी, तछुवा (पकौडा), नेपाली अँचार, राइता, पापड, सलाद, दही, राजभोग, बदाम कतली, काजु कतली, मुङ दालके हलुवा, लालमोहन, बदाम रोल, गुलाव जामुन, क्रिम जेरी, मटर पनिर, मलाइ कोपता, बेसन गांता सब्जी कोबी मटर सब्जी लगायतका परिकार हुनेछ ।