डा. सिके राउतका २ कार्यकर्ता रिहा !

न्यूज ब्यूरो, जनकपुरधाम । डा. सिके राउतका २ जना कार्यकर्तालाई रिहा गरिएको छ । हिजो मँसिर २४ गते आफ्नै पसलबाट पक्राउ परेका स्वतन्त्र मधेश गठबन्धनका १ जना र गत असोज ३ गते पक्राउ १ जना गरी २ जना कार्यकर्ता मँगलबार रिहा भएका हुन् ।

पक्राउ गरिएका रुपान्देहीका सागर वर्मा र राम चरण यादवलाई एक–एक हजार धरौटीमा रिहा गरिएको छ । सागर वर्मा भने गत असोज ३ गते कालो दिन मनाइरहेका बेला समेत पक्राउ परेका थिए । केहि दिन पश्चात् उनलाई रिहा गरिएको थियो ।

उनीहरु विरुद्ध सार्वजनिक शान्ति विरुद्धको कसुरमा मुद्दा चलाइएको थियो । गत असोज ३ गते कालो दिनमा मधेशका विभिन्न जिल्लाहरुबाट ठूलो सँख्यामा गठबन्धनका कार्यकर्ताहरु पक्राउ परेका थिए ।