अपराध विरुद्ध आक्रमक मिर्चैया प्रहरी !

न्यूज ब्यूरो, सिरहा । मिर्चैया प्रहरी पछिल्लो समय अपराधिक क्रियाकलाप विरुद्ध आक्रमक देखिएको छ । पछिल्लो समय विभिन्न राजनीतिक दबाबका कारण छिनछिनमै डिएसपी फेरबदल हुँदै आएको ईलाका प्रहरी कार्यालय मिर्चैयामा नयाँ डिएसपी आएपछि अपराधिक कार्यमा संलग्न विरुद्ध आक्रमक देखिएको हो ।

मिर्चैया क्षेत्र पछिल्लो समय अपराधिक गतिविधी गर्नेहरुको अखडा बन्न थालेपछि प्रहरीले विशेष रुपमा प्रस्तुत भएको प्रहरी नायब उपरिक्षक (डिएसपी) सुकदेव खनालले बताए ।

मिर्चैया प्रहरीले प्रत्येक दिन विभिन्न ठाउँमा चेकजाँचमा सक्रिय रहेको डिएसपी खनालले जानकारी दिए । डिएसपी खनाल आफै समेत चेकजाँचमा खटेका छन् । साना हातहतियार तथा लागु औषध बोकेर हिँड्ने व्यक्तिलाई केन्द्रित गरी विशेष चेकजाँच सुरु गरिएको छ ।

अपराध रोकथाम तथा अनुसन्धान, ट्राफिक व्यवस्थापन, कार्यालय व्यवस्थापन तथा अन्य प्रहरी सेवालाई अझ प्रभावकारी बनाउन र आम जनतामा शान्ति सुरक्षाको अनुभुती दिलाउने उद्देश्यले मिर्चैया प्रहरी विशेष रुपमा प्रस्तुत भएको डिएसपी खनालले न्यूज ब्यूरोसँग भने ।

प्रहरीको काम कारवाहीलाई प्रभावकारी बनाउन लिइएको चाँसोलाई स्थानीयले सकारात्मक रुपमा लिएका छन् ।