सिरहामा बम विस्फोट, २ घाईते !

न्यूज ब्यूरो, सिरहा । सिरहामा बम विस्फोट भएको छ । सिरहाको भगवानपुर गाउँपालिका–४ ठाडीमा बम विस्फोट भएको हो ।

सिमाबर्ती क्षेत्र ठाडीमा आइतबार विहानै भएको बम विस्फोटमा परी २ जना घाईते भएका छन् । घाईते हुनेहरुमा स्थानीय २७ वर्षीय संजय यादव र २८ वर्षका ओम प्रकाश यादव रहेका छन् ।

उनीहरुको भारतस्थित लौकाहामा उपचार भइरहेको छ भने अवस्था खतरामुक्त रहेको बताइएको छ ।

गाउँ नजिकै सिमाबर्ती बलान खोलामा विहान शौच गर्न गएका बेला लावारिस अवस्थामा राखिएको झोलालाई खोलेर हेर्न खोज्दा बम विस्फोट भएको प्रहरीले जनाएको छ ।

विस्फोटबारे थप अनुसन्धान भइरहेको सिरहा प्रहरीले बताएको छ ।