मिर्चैयाका टाईम्स स्कूलले १ दलित बालकलाई १२ सम्म निःशुल्क पढाउने !

न्यूज ब्यूरो, सिरहा । मिर्चैयाका टाईम्स स्कूलले एकजना दलित बालकलाई कक्षा १२ सम्म निःशुल्क पढाउने घोषणा गरेको छ । सिरहाको कर्जन्हा नगरपालिका–९ दनुवारी टोलका बासिलाल पासमानका १३ वर्षीय छोरा पप्पु पासमानलाई मिर्चैयामा अवस्थित टाईम्स स्कूलले कक्षा १२ सम्म निःशुल्क पढाई दिने घोषणा गरेको हो ।

आर्थिक समस्याका कारण केहि महिनाअघि मात्र ब्रेन ट्युमरको थलेका बालकलाई दाताहरुको सहयोगमा उपचार गराएर निको भएपछि विद्यालयले निःशुल्क पढाउने घोषणासहित बालकलाई कक्षा ४ मा भर्ना गरेको छ ।

उपचारका लागि रकम नहुँदा ब्रेन ट्युमरले थलिएका बालकलाई टाईम्स स्कूलकै सञ्चालक सदस्य प्रभात महतोले “पप्पु बचाउ अभियान” नै सञ्चालन गरेको थियो ।

आर्थिक अवस्था एकदमै कमजोर रहेका बालक पप्पु पासवानलाई भविष्यमा आफ्नै खुट्टामा उभ्न सक्ने विश्वाससहित टाईम्स स्कूलले कक्षा १२ सम्म निःशुल्क पढाउने निर्णय गरेको हो ।