निर्मला प्रकरण : सरकारसँग न्याय माग्दा जेल, १२ जना प्रहरी हिरासतमा !

न्यूज ब्यूरो, काठमान्डौँ । जल्दो बल्दो मुद्दा कञ्चनपुरकी १३ वर्षिय बालिका निर्मला पन्तको हत्यारालाई पक्राउको माग गर्दा १२ जनालाई प्रहरीले पक्राउ गरेको छ ।

राजधानी काठमान्डौँको माईतीघर मण्डलामा निर्मला पन्तको हत्यारालाई पक्राउको माग गर्दै पोष्टर टाँस्न गएका १२ अभियानीलाई प्रहरीले पक्राउ गरी नियन्त्रणमा लिएको हो ।

उनीहरुले सरकार देखियो, न्याय देखिएन भन्दै निर्मलाको फोटो सहितको पोष्टर विजुलीको पोल पोलमा टाँसीरहेको बेला नेपाल प्रहरीले पक्राउ गरी सिँहदरवार प्रहरी वृतमा राखिएको अभियानी सृजना विश्वकर्माले बताइ्न् ।

प्रहरी हिरासतमै रहेकी विश्वकर्माले निर्मला पन्तको तस्बिर टाँस्ने क्रममा प्रहरीले हस्तक्षेप गर्दै उनीहरुलाई पक्राउ गरी नियन्त्रणमा राखिएको बताए ।

पन्तको बलात्कारी र हत्यारालाई पक्राउ माग गर्दै माइतीघरमा प्रदर्शन समेत गरिएको थियो । बिजुलीको पोलमा उनको तस्बिर टाँस्न खोज्दा प्रहरीले अभियानी विश्वकर्मा सहित भुवन राउत, सौरभ न्यौपाने, छवी पँगेनी, प्रीतम सुवेदी, असिना बराल, स्मृति श्रेष्ठ, दर्शना चन्द, देवीश्री पन्त, रजियाज बनु र आसमा केशीलाई पक्राउ गरी प्रहरी हिरासतमा राखिएको हो ।

प्रधानमन्त्रीले ल्याएको समाजिक सुरक्षा कार्यक्रमको पोष्टरमा प्रधानमन्त्रीको फोटो सहित राजधानीको पोल पोलमा तस्विर र पोष्टर झुण्डाएपछि निर्मला पन्तको न्यायको लागि संघर्ष गर्दै आएका यी अभियानीहरुले समेत त्यस उपर पोष्टर टाँसेर न्यायको लागि दबाब दिँदा प्रहरीले हस्तक्षेप गरेको हो ।