डा. सिके राउतका ३ कार्यकर्ता रिहा

न्यूज ब्यूरो, जनकपुरधाम । रंगभेदी दिवस मनाईरहेका बेला पक्राउ गरिएको तीन स्वराजीलाई प्रहरीले अबेर साँझ रिहा गरेका छन् ।

मँसिर १० गते मनाउँदै आएको रंगभेदी विरुद्धको दिवस मनाउने क्रममा स्वतन्त्र मधेश गठबन्धनका कार्यकर्ताहरुलाई धनुषा प्रहरीले पक्राउ गरेको थियो । पक्राउ परेका तीनै जनालाई सोमबार साँझै रिहा गरेका हुन् ।

नेपाल सरकारले छालाको रंगको आधारमा विभेद गर्दै आएको भन्दै त्यसको विरोधमा स्वतन्त्र मधेस गठबन्धनका सँयोजक समेत रहेका डा. सिके राउतले प्रत्येक वर्ष मँसिर १० गते रंगभेद विरुद्धको दिवस मनाउँदै आएको छ ।

दिवस मनाउने क्रममा सोमबार स्वराजी दीपनारायण यादव, किलेश मंडल र विजय यादवलाई धनुषा प्रहरीले गिरफ्तार गरेका थिए । उनीहरुलाई केही घण्टा हिरासतमा राख्दै साँझ रिहा गरिएको हो ।