सप्तरीमा पुनः विभत्स बस दुर्घटना, ५ जनाको लास निकालियो !

न्यूज ब्यूरो, सप्तरी । सप्तरीमा यात्रुवाहक बस दुर्घटना हुँदा ५ बढीको मृत्यू भएको खवर प्राप्त भएको छ ।

सप्तरीको भारदह राजविराज सडकखण्ड अन्तर्गत कँकालिनी हनुमान नगर वडा नं. १० इनरुवा स्थित रहेको तोपा पोखरी नजिक बस दुर्घटना हुँदा बस पानीमा पल्टेको जानकारी प्राप्त भएको छ ।

सुनसरीको बाराह क्षेत्रबाट राजविराज तर्फ आउँदै गरेको को १ ख २७९९ नम्बरको यात्रुवाहक बस अनियन्त्रीत भएर दुर्घटना भएको जिल्ला प्रहरी कार्यालय सप्तरीले जनाएको छ ।

मृतकहरु मध्ये ३ जना सप्तरीको तथा अन्य २ जनाको नाम ठेगाना खुल्न सकेको छैन । यता , प्रत्यदर्शीहरुका अनुसार मृतकको सँख्या अझ बढी भएको तथा कैयौ जनाको अवस्था गम्भिर रहेको छ । उनीहरुको स्थानीय अस्पतालमा उपचारको लागि प्रहरीले पठाएको छ

प्रहरीले उद्धार कार्य जारी राखेको छ । यस घटनाबारे थप विवरण आउन बाँकी छ ।