जनकपुरमा प्रधानमन्त्रीको पुतला दहन, ६ पक्राउ

न्यूज ब्यूरो, जनकपुरधाम । जनकपुरको रमानन्द चोकमा प्रधानमन्त्री केपी शर्मा ओलीको पुतला दहन गर्ने क्रममा ६ जना पक्राउ परेका छन् । सोमबार अपरान्ह रामानन्द चोकमा प्रधानमन्त्रीको पुतला दहन गरिरहेका नेविसंघका ६ जना पक्राउ परेका हुन् ।

पक्राउ पर्नेमा नेवि संघका धनुषा सभापति सुहित मिश्रसहित कार्यकर्ता भरत साह, नवनित झा, सुनिल सुमन, घनश्याम झा र नवीन यादव रहेका छन् ।

पुतला दहन गर्ने क्रममा उनीहरु र प्रहरीबीच भनाभन भएपछि पक्राउ गरिएको धनुषा प्रहरी जनाएको छ । उनीहरूलाई अहिले जिप्रका धनुषामा राखिएको प्रहरीले जानकारी दिएको छ ।