मन्त्रीकै अस्पतालमा शिशुको मृत्यू, झडप हुँदा एकको आँखा फुट्यो !

न्यूज ब्यूरो, जनकपुरधाम । जनकपुरको जानकी हेल्थ केयर सेन्टरमा जन्मजात बच्चाको मृत्यू भएको छ ।

मृत्यू हुनेमा महोत्तरीको बर्दिवास नगरपालिका वडा नं. १४ बस्ने शृजना देवीको प्रसव पीडा सुरु भएर जानकी हेल्थ केयर आएकी थिइन । डाक्टर नभएको बेलामा नर्सहरुले डेलेभरी गराउन खोज्दा बच्चा को मृत्यु भएको जनाइएको छ ।

बच्चाको मृत्यू भएपछि आक्रोशित पीडित पक्षले मृत्यूबारे विस्तृत बुझन खोज्दा अस्पतालका एक्सरे टेक्निसियन आर्दश यादवले हातपात गरेर अस्पतालबाट बाहिर निकाल्न खोजेपछी विवाद उग्र भएको थियो ।

उक्त विवादमा अस्पतालका बाउन्सरहरुले कुटपिट गरेको पीडितका देवर अनुराग कुमार महतोले बताएका छन । झडपमा परेर पीडित शृजनाकी काका करिव ४० वर्षीय किशोरी महतोको आँखा फुटेको छ ।

अस्पताल नेपाल सरकारका स्वास्थ्य राज्यमन्त्री डा. सुरेन्द्र यादवको रहेको छ । घटनाको बारेमा विस्तृत विवरण आउन बाँकी रहेको छ ।

उनको जनकपुरमा उपचार सम्भव नभएपछि काठमाडौ तिलगंगा अँखा अस्पतालमा जानकी हेल्थ केयरले नै रेफर गरेको पीडित वुवा उमेश महतोले बताए । झड्पको क्रममा प्रहरीले पीडितका भाइ मोहन महतो र सरोज महतोलाइ पक्राउ गरेको छ भने अस्पतालका एक्सरे टेक्निसियन आर्द्श यादवलाइ पक्राउ गरि जिल्ला प्रहरी कार्यालयमा राखेको छ ।

यता, अस्पतालका प्रशासन प्रमुख राजेश यादवले आफू खाना खान घर गएको बेला घट्ना भएको बताएका छन ।