महोत्तरीमा भारी मात्रामा रक्सी बरामद

मनिष शर्मा , महोत्तरी | महोत्तरीको जलेश्वर नगरपालिका वडा नं. ३ स्थित पर्सा पतैलीको एरियाबाट गाडी सहित २४ कार्टुन रक्सी प्रहरीले बरामद गरेको छ ।

जिल्ला प्रहरी कार्यालय महोत्तरी तथा प्रहरी चौकी पर्सा पतैलीबाट खतिएको गस्ती प्रहरी टोलीले गस्ती गर्दै जाने क्रममा जलेश्वर तर्फबाट भिठामोड तर्फ शंकास्पद अवस्थामा गईरहेको DL 3 CD २२८७ नम्बरको गाडी नियन्त्रनमा लिएको छ ।

साथै प्रहरीलाई देखेर चालक गाडी छोडी भागेकोमा उक्त गाडी चेकजाँच गर्दा भित्र सोह्र हजार मुल्य बराबरको २५० एम एलको ८०० पिस सोफी रक्सी फेला परेको छ । नियन्त्रन्मा लिएको गाडी तथा रक्सी प्रहरीले आवश्यक कारवाहीको लागी राजश्व कार्यालय जनकपुर पठाएको छ ।

त्यस्तै बसमा बेवारीसे अवस्थामा रहेको साह्रे बासठ हजार मुल्य बराबरको ५० बैन्डल पटाका सोही दिन औरहीबाट चेकजाँचको क्रममा प्रहरीले नियन्त्रनमा लिई नस्ट गरेको छ ।

जिल्ला प्रहरी कार्यालय महोत्तरी तथा सम्पूर्ण सुरक्षा निकायहरुले बोर्डरमा आफनो सक्रियता बढाउदै गत महिनामा लाखौँको सामान नियन्त्रनमा लिएको छ ।