जनकपुरमा सशस्त्र प्रहरीका हवल्दार रंगेहात अख्तियारको फन्दामा !

न्यूज ब्यूरो, जनकपुरधाम । जनकपुरमा घुस रकमसहित सशस्त्र प्रहरी बलका एक हवल्दार पक्राउ परेका छन् । भन्सारमा सामान पास गराउन सहयोग गर्ने भन्दै सेवाग्राहीबाट ११ हजार घुस लिँदालिँदै गरेको अवस्थामा जनकपुर उपमहानगरपालिका ४ कदम चोकबाट सशस्त्र प्रहरीका हवल्दार चन्देश्वर गिरीलाई रंगेहात पक्राउ गरेको हो ।

अख्तियार दुरुपयोग अनुसन्धान आयोग क्षेत्रिय कार्यालय बर्दिबासको टोली र अख्तियार दुरुपयोग अनुसन्धानको केन्द्रीय कार्यालयको संयुक्त टोलीले घुस रकमसहित सशस्त्र प्रहरीका सहायक हवल्दार गिरीलाई पक्राउ गरेको जनाएको छ ।

भारतीय बजारबाट घरायसी सामान भन्सार नतिरी अवैध रुपमा नेपाल प्रवेश गराउने भन्दै ब्यापारीसँग रकम लिदै गर्दा रंगेहात पक्राउ गरेको अख्तियारले जनाएको छ ।