रामप्यारीलाई सम्मान मधेसको सहयोग

न्यूज ब्यूरो, जनकपुरधाम । साउदी स्थित रहेको नेपालीहरुको साझा संगठन सम्मान मधेशद्धारा धनुषाका एक विपन्न परिवारलाई आर्थिक सहयोग गरिएको छ ।

धनुषा सपही निवासी रापप्यारी देवीलाई सम्मान मधेशका पदाधिकारीहरुद्धारा उनको घरमै पुगी २२ हजार ५ सय रुपैया हस्तान्तरण गरेका हुन् । बिगत ४ बर्ष पहिले आर्थिक अवस्था निकै दयनिय रहेको रामप्यारीले आर्थिक खर्च जुटाउन नसकेपछि उनको श्रीमानको मृत्यु भएको थियो ।

श्रीमानको मृत्यु पश्चात दुई वटा छोरा र एक छोरीरहेको उनलाई छोराछोरीको पढाई लेखाई तथा अन्य काममा सहयोग पुग्ने आशाका साथ आर्थिक सहयोग गरिएको सम्मान मधेशका अध्यक्ष त्रिलोकी साहले बताए ।

आर्थिक सहयोग सम्मान मधेशका केन्द्रिय सल्लाहकार शम्भु चौधरी, सह कोषध्यक्ष गणेश साह र सदस्य नरेश पासवानले हस्तान्तरण गरेका थिए ।

सम्मान मधेश नेपाली गरिव, विपन्न तथा अनाथ घरपरिवारहरुलाई विभिन्न समयमा सहयोग गर्दै आएका हुन् ।