SYN ले सूचनाको हक सम्बन्धि अभिमुखिकरण तालिम गर्दै, सहभागिताको अपिल

न्यूज ब्यूरो, सिरहा । सिरहा जिल्लाका युवाहरुको साझा संगठन सिरहा युवा संजालले सूचनाको हक सम्बन्धि अभिमुखिकरण तालिम गर्ने भएको छ । संजालले यही आउँदो कार्तिक ७ गते बुधवार गोलबजारमा १ दिने सूचनाको हक सम्बन्धि अभिमुखिकरण तालिम गर्न लागेको हो ।

पारदर्शीता र जवाफदेहीताका लागी सूचनाको हक ज्यादै महत्वपूर्ण भएको हुँदा सूचनाको हकबारे आम नागरिकमा चेतना जगाउँने उद्देश्यले उक्त कार्यक्रम गर्न लागेको संजालले जनाएको छ ।

कार्यक्रमबाट आम नागरिकमा सूचनाको हक स्थापित हुने संजालले विश्वास लिएको छ । संजालले कार्यक्रममा उपस्थित भएर लाभ उठाउन यस क्षेत्र (जिल्ला) का सबैलाई आग्रह समेत गरेको छ ।

कार्यक्रमको प्रमुख अतिथिको रुपमा राष्ट्रिय जनता पार्टी नेपालका अध्यक्ष मण्डलका सदस्य तथा पूर्व सूचना तथा संचारमन्त्री एवं सिरहा निर्वाचन क्षेत्र नं. ४ का प्रनितिधिसभा सांसद राजकिशोर यादव उपस्थित हुनुहुनेछ ।

संजालले यसअघि जिल्ला स्तरीय हाजिरी जवाफ प्रतियोगिता समेत गरेका थिए । कार्यक्रममा विजेता क्रमशः २१ जना विद्यार्थीहरुलाई मुलुकका विभिन्न कलेजहरुमा छात्रवृत्ति प्रदान गरिएको थियो ।