सिरहामा एक युवकको शव फेला

न्यूज ब्यूरो, सिरहा । सिरहामा एकजना युवकको शव फेला परेको छ । सिरहाको धनगढीमाई नगरपालिका ७ कसहा नजिक सोमबार विहान एक युवकको शव भेटिएको हो ।

सोमबार बेलुकी आफ्नै गाउँका सुजित यादव र भिनाजुसँग पार्टी खान गएका धनगढीमाई ९ महुवाडाँडाका करिव १९ वर्षीय विलाश यादव आज विहान मृत भेटिएको जिप्रका सिरहाले जनाएको छ ।

गाउँभन्दा करिव ५ किलोमिटर पश्चिममा पूर्वपश्चिम राजमार्ग अन्तर्गत कसहादेखि करिव ३ सय मिटर उत्तर सपेताको जंगलमा शव फालिएको अवस्थामा फेला परेको छ ।

घटनाबारे थप अनुसन्धान भईरहेको प्रहरीले जनाएको छ ।