डा. सिके राउतका ७ कार्यकर्ता रिहा, ४ जेलमा

न्यूज ब्यूरो, सुनसरी । गत असोज १६ गते ज्ञापन पत्र बुझाउने क्रममा पक्राउ परेका डा. सि के राउतका कार्यकर्तालाई प्रहरीले आज रिहा गरेको छ ।

ज्ञापन पत्र बुझाउने क्रममा सुनसरी जिल्ला प्रहरी कार्यालयले राउतका ७ कार्यकर्तालाई गिरफ्तार गरि सार्वजनिक अपराध कसुर अन्तरर्गतको मुद्दा चलाएको थियो । आईतबार गुलाब चन्द मण्डल, सुरेन्द्र मण्डल, जिवा कुमार गोईल, उद्देश्वर मण्डल, लक्ष्मण मोरबैता , चन्दन सिहं र ज्ञानेन्द्र खड्का रिहा भएका छन्।

यस्तै, गत असोज ३ कालो दिवस मनाउने क्रममा गते गिरफ्तार भएका भवानी मेहता, जय प्रकाश मधेशी, सिताराम पण्डित र श्यामसुन्दर मण्डललाई कारागार चलान गरिएको छ ।

करागार चलान गरिएको यी ४ जना उपर समेत राज्य विरुद्ध अपराध अन्तरर्गतको मुद्दा चलाएको हो ।