डा. सिके राउत पुनः १ गते अदालतमा उपस्थित हुने

काशिन्द्र कुमार शर्मा , विरगँज । रौतहट प्रहरीको नियन्त्रणमा रहेका डा. सिके राउतलाई कार्तिक १ गते उच्च अदालत विरगँजमा उपस्थित हुनको लागि आदेश दिइएको छ ।

आईतबार उच्च अदालत विरगँजमा भएको पेशी उपर चलेको बहसलाई मध्यनजर गर्दै उच्च अदालत विरगँजले रौतहट जिल्ला अदालतबाट सम्पूर्ण मिसिल झिकाएर मात्र कार्तिक १ गते पुनः उपस्थित हुनको लागि आदेश गरिएको हो ।

आइतबार असोज २८ गते दिनभरि चलेको बहसको सुनुवाई गर्दै जिल्ला अदालत रौतहटबाट सम्पूर्ण मिसिल झिकापछि मात्र पुनः अर्को बहस हुने आदेश गरिएको हो ।

डा. सिके राउत उच्च अदालत विरगँजमा उपस्थित हुने भएपछि उनका हजारौँ समर्थक सडक तताएका थिए भने अहिले पनि ३१ जना कार्यकर्ता पर्सा प्रहरीको गिरफ्तमा रहेको गठबन्धनका प्रवक्ता अब्दुल खानले जानकारी दिए ।

खानका अनुसार, आईतबार साँझसम्म पक्राउ गरिएका स्वराजीहरुलाई रिहा नगरिए साँझदेखि नै आन्दोलन चर्काउने तथा धर्नामा बस्ने चेतावनी समेत दिए ।

यस सम्बन्धी अन्य समाचार

डा. सिके राउत आईतबार उच्च अदालत विरगँजमा उपस्थित हुने

डा. सिके राउतका समर्थक ९ बर्षिय बालिका सहित २६ पक्राउ

डा. सिके राउत अदालतमा, दर्जनौँ समर्थक पक्राउ !

मुख्यमन्त्रीलाई ज्ञापनपत्र बुझाउन गएका सिके राउतका तीन कार्यकर्ता पक्राउ