महेन्द्रनगरमा गुञ्जियो- 'संविधानमा यति कुरा टाँसी दे, बलात्कारीलाई फाँसी दे'

न्यूज ब्यूरो, जनकपुरधाम । दिनानुदिन बढदै गएको बलात्कारको घटनाको विरोधमा धनुषाको महेन्द्रनगरमा वृहत रयाली निकालिएको छ ।

क्षिरेश्वरनाथ नगरपालिका वडा नं. ५ महेन्द्रनगर स्थित स्थानिय दुधमती यूवा क्लवको अगुवाईमा निकालिएको वृहत रयालीमा कञ्चनपुरकी चेली निर्मला पन्त, महोत्तरीकी ९ महिने बालिका सोनाली चौधरी लगायत अन्य बालिका उपर भएको यौन हिँसा बलात्कारको विरोधमा स्थानीयहरु तातिएका हुन् ।

नेता बाट सिके छ, पुलिस पनि बिकेछ , जस्ता नारा सहित क्षीरेश्वर उच्च मा. वि. को प्राङ्गगनबाट सुरु भएको रयाली सखुवा चौक, हनुमान चौक, क्षीरेश्वरचौक, नयाँबजार हुँदै इलाका प्रहरी कर्यालय महेन्द्रनगर स्थित कोणसभामा परिणत भएको थियो ।

राजपाका युवा केन्द्रीय सदस्य अजय कुमार राउत सहितका विभिन्न दलका प्रतिनीधि, विद्यार्थी, युवाहरुको सम्मलित उक्त रयालीमा बलात्कारीलाई फाँसीको माग गर्दै प्रहरी प्रशासनलाई निकम्माको सँज्ञा दिइएको थियो ।

बलात्कारीलाई राज्यले नै बचाउ गर्न खोजेको भन्दै यस्ता घिनौना कार्य गर्ने सरकारी निकाय अथवा जनप्रतिनीधिका जोकोही होस उम्कीन नपाउने युवा नेता अजय कुमार राउतले कोणसभामा भने ।

दिनप्रतिदिन बढदै गएको बलात्कारको घटना न्यून गर्न बलात्कारीलाई एक मात्र सजाय फाँसी भएको सहभागीहरुले जीकिर गरे ।