राजधानीमा विद्यालय कर्मचारीहरु १० दिनदेखि रिले अनसनमा, मन्त्री भन्छन् -  वार्ता गर्छौ !

न्यूज ब्यूरो, जनकपुरधाम । विभिन्न माग राखी आन्दोलनमा उत्रेका विद्यालय कर्मचारीहरु विगत १० दिनदेखि रिले अनसन बसेपनि सरोकारबालाहरुको ध्यान गएको छैनन् ।

गत भदौ ३१ गतेदेखि नै निरन्तर आन्दोलनमा रहेका समुदायिक विद्यालयका कर्मचारी आन्दोलन परिचालन समितिले गएको १० दिनदेखि निरन्तर रिले अनसन समेत बसेका छन् ।

सर्वोच्च अदालतले गरेको फैसला लागू गर्ने पर्ने माग सहित विभिन्न ७ बुँदे माग थप्दै आन्दोलन गर्दै आएका शिक्षक तथा विद्यालय कर्मचारीसँग नेपाल सरकारको शिक्षा मन्त्रालयले रति भर पनि चासो लिएको छैन् ।

वि.स. २०६७ सालमै सर्वोच्च अदालतको फैसला र आदेशको ६ महिनाभित्र आदेश पूर्ण कार्यन्वयन गर्नु भन्ने समेतको २०७१ सालको फैसला समेत सरकारले कार्यन्वयन नगरेको भन्दै आन्दोलनमा उत्रेको समितिको ठहर छ ।

शिक्षा ऐनको आठौँ संशोधन दफा १६ 'ठ' मा भएको कर्मचारी सम्बन्धी व्यवस्था समेत कार्यन्वयन नगरी दरबन्दी, समाजयोजन, पदस्थापन, आन्तरिक प्रतियोगिता, तलवभत्ता, सँचयकोष, मँगहीभत्ता, पोशाकभत्ता, निवृतभरण, उपदान, औषधी उपचार, विमा, विदा र ट्रेड युनियन अधिकार लगायतका विषयमा कर्मचारीहरुको श्रम शोषण भएको भन्दै आन्दोलन गर्न बाध्य भएको जनाइएको छ ।

समितले सर्वोच्च अदालतको फैसला बमोजिमको सर्भिस लो अविलम्ब कार्यन्वयन गर्नुपर्ने, शिक्षा ऐनको आठौँ सँशोधनको दफा १६ को 'ठ' विद्यालय कर्मचारी सम्बन्धी व्यवस्था अविलम्ब लागू गर्नुपर्ने लगायतका मागहरु अघि सारेर आन्दोलनमा छन् ।

यता, संघीय सरकारका शिक्षामन्त्री गिरिराजमणि पोखरेलले आन्दोलनरत शिक्षकहरुसँग मन्त्रालयका कर्मचारीहरुलाई वार्ताको माध्यमले समस्या हल गर्न निर्देशन दिएको बताएका छन् ।

सोमबार साँझ न्यूज ब्यूरोसँग कुराकानी गर्दै मन्त्री पोखरेलले, देश संघीयतामा प्रवेश गरेको भन्दै आन्दोलनको मार्फत होइन वार्ताको माध्यमले समस्याको समाधान गर्न आन्दोलनरत विद्यालय कर्मचारीहरुलाई आग्रह गरे ।

आफू राजधानी बाहिर रहेको जनाउँदै मन्त्री पोखरेलले कर्मचारीहरुसँग आन्दोलनरत शिक्षकहरुको वार्ता भइसक्नुपर्ने बताए ।

विद्यालय कर्मचारीहरुले अहिलेसम्म कुनै पनि मन्त्रालयका कर्मचारी वा सम्बन्धित सरोकारवाला निकायले चासो नलिएको र कुनै प्रकारको वार्ता नभएको जिज्ञासा मन्त्री पोखरेलले १ २ दिनमा काठमान्डौँ पुगेरै आन्दोलनरत पक्षसँग वार्ताको माध्यमले जायज मागहरु सम्बोधन गर्ने प्रतिवद्धता समेत जाहेर गरे ।

विद्यालय सँचालनको मुख्य पात्रको रुपमा रहेका विद्यालय कर्मचारीहरुको माग समयमै सम्बोधन गराउन आफू तत्पर रहेको तथा कार्यव्यवस्ता र राजधानी बाहिर रहेकोले मन्त्रालयका कर्मचारीलाई निर्देशन दिएको पनि थपे ।

यता, मन्त्रालयका सचिव खगराज वरालसँग निरन्त सम्पर्क गरेपनि सम्पर्क भने हुन सकेनन् ।

यस सम्बन्धि अन्य समाचार

समुदायिक विद्यालयका कर्मचारीहरु आन्दोलनमा, ७ बुंदे आन्दोलनको घोषणा