धनुषाधाममा स्वास्थ्य विमा उपर सरोकारबालाहरुको बहस

न्यूज ब्यूरो, जनकपुरधाम । धनुषाधाममा नागरिकको स्वास्थ्य विमा सम्बन्धी स्थानीय सरोकारबालाहरुले बहस गरेका छन् ।

प्राथमिक स्वास्थ्य केन्द्र धनुषाधामद्वारा आयोजना गरिएको एक दिने स्वास्थ्य विमा सम्बन्धी गोष्ठी कार्यक्रममा नेपालको संविधानले अधारभुत स्वास्थ्य सेवालाई देशका नागरिकको मौलिक हकका रुपमा गरेको स्वास्थ्य बिमा सम्बन्धि गोष्ठी सम्पन्न भएको हो ।

धनुषाधाम नगरपालिका वडा नं. ३ का वडाध्क्ष एवम् प्राथमिक स्वास्थ्य केन्द्र व्यवस्थापन समिति अध्यक्ष राजकिशोर साहको अध्यक्षतमा सम्पन्न गोष्ठीमा संविधानको धारा ५१ (ज) १५ मा राज्यका नीतिहरु अन्तर्गत नागरिकको स्वास्थ्य बिमा सुनिश्चित गर्दै स्वास्थ्य उपचारमा पहुँचको ब्यबस्था मिलाउने ब्यबस्था रहेको चिकित्सक छेबी मण्डलले बताए ।

कार्यक्रममा सुरक्षा निकायका प्रतिनीधि, स्वास्थ क्षेत्रका प्रतिनीधि, अस्पतालका व्यवस्थापन समितिका पदाधिकारी, स्थानीय नागरिक, बुद्धिजीहरुको सहभागीतामा गोष्ठी सम्पन्न भएको थियो ।