महोत्तरीको औरहीमा स्थानियहरुद्धारा सडकजाम, टायर बालेर  प्रर्दशन !

न्यूज ब्यूरो, महोत्तरी । महोत्तरीको औरही नगरपालिकाको विरोधमा स्थानियहरुले सडकजाम गरि प्रर्दशनमा उत्रिएका छन ।

नगरपालिकाको कार्यालयले पारदर्शी रुपमा वजेट सार्वजानिक नगरेको भन्दै स्थानियहरु आन्दोलित भएका हुन । स्थानिय दरेश यादवको नेतृत्वमा जलेश्वर वर्दिवास सडकखण्डस्थित औरहीको नगरपालिका चौकमा टायर वालि सडक अवरुद्ध गरेका छन ।

उनीहरुले सडकमा त्रिपाल टागी बसेका छन । यसभन्दा अगाडि नगरपालिकामा बुझाएको ज्ञापनपत्रको सम्बन्धमा कुनै सुनवाई नभएको भन्दै आज विहान ७ बजेदेखि सडक अवरुद्ध गरिएको आन्दोलनका संयोजक दरेश यादवले बताउनुभयो ।

आफुहरु शान्तिपूर्वक रुपमा आन्दोलनमा उत्रिएको र सडक बन्द कार्यक्रम वेलुकी ५ बजेसम्म जारि रहने यादवले जानकारी दिनुभयो ।
स्थानियहरुले नगरपालिकाले जारि गरिएको बजेटमा दोहरो कर हटाउनुपर्ने, योजना छनौटमा व्यापक रुपमा जनसहभागीता गराउनुपर्नेजस्ता १५ बुँदे माग सहित स्थानियहरु पछिल्लो समय आन्दोलित भएका हुन ।