मिर्चैयामा ट्रक र कार जुध्यो, ५ घाईते

न्यूज ब्यूरो, सिरहा । सिरहामा ट्रक र कार एकापसमा ठोक्किदा ५ जना घाईते भएका छन् । पूर्व–पश्चिम राजमार्ग अन्तर्गत् सिरहाको मिर्चैया नगरपालिका १ महदेवास्थित सोमबार विहान साढे ६ बजेको समयमा ट्रक र कार ठोकिएर दुर्घटना हुँदा ५ जना घाईते भएका हुन् ।

पूर्वबाट पश्चिमतर्फ जाँदै गरेको ना ६ ख ३३५० नम्बरको ट्रक र विपरीत दिशाबाट आउँदै गरेको विआर ३० आर ५१७१ नम्बरको कार एकापसमा ठोक्किदा दुर्घटना भएको ईलाका प्रहरी कार्यालय मिर्चैयाले जनाएको छ । ठक्करबाट ट्रक चालक र कार चालकसहित सबार तीनजना गरी जम्मा ५ जना घाइते छन् ।

घाईते पाँचै जनाकोे मिर्चैयास्थित मंगलम हस्पिटलमा उपचार भइरहेको छ ।