असुरक्षित गर्भपतनलाई निरुत्साहित गर्ने उद्देश्यले इटहरीमा सञ्चारकर्मीहरुसँग १ दिने अभिमुखिकरण

न्यूज ब्यूरो, सुनसरी । पछिल्लो समयमा बढिरहेको असुरक्षित गर्भपतन गरिने कार्यलाई निरुत्साहीत गर्ने उद्धेश्यले सुनसरीको इटहरीमा सञ्चारकर्मीहरुसंग अभिमुखिकरण कार्यक्रम गरिएको छ । युवा विकास केन्द्र र राइट हेयर राइट नाउ नामक गैर सरकारी संस्थाले सञ्चारकर्मीहरुका लागि अभिमुखिकरण कार्यक्रम गरेको हो ।

कार्यक्रममा असुरिक्षत गर्भ पतनका कारण महिलाहरुले ज्यान समेत गुमाउनु परिरहेको तर्फ मध्यनजर गर्दै सुरक्षित गर्भ पतनका विषयमा कलम चलाउन सञ्चारकर्मीहरुलाई सहयोग पुगोस भने र कार्यक्रम आयोजना गरिएको कार्यक्रम संयोजक तारा चाम्लीगंले वताइन । अभिमुखिकरण कार्यक्रममा असुरिक्षत गर्भ पतनका कारण भई रहेका समस्याका विषयमा मेधा शर्माले सहजिकरण गरेकी थिइन ।

अभिमुखिकरणमा कानुनले गर्भ पतन गर्न पाउने अधिकार दिएकाहरुलाई सुरक्षित स्थानमा गएर मात्र गर्भ पतन गराउनु पर्नेमा जोड दिन सञ्चारकर्मीहरुलाई आग्रह गरियो । कार्यक्रमका प्रदेस नम्वर १ का सुनसरी, मोरङ,झापा इलाम ,पाँचथर जिल्लाका ५०भन्दा वढी सञ्चारकर्मीहरुको सहभागिता रहेको थियो ।