आधा घाँटी रेटिएको अवस्थामा युवक आएपछि...

न्यूज ब्यूरो, जनकपुरधाम । आधी धाँटी (कण्ड) रेटिएको अवस्थामा एक युवक आफ्नो घर पुगेपछि खलबली मच्चिएको छ ।

धनुषाको धनुषाधाम नगरपालिका वडा नम्बर १ का ३० वर्षका शिवकुमार सादा आधाभन्दा बढी घाँटी रेटिएको अवस्थामा जिउँदै फेला परेको हो ।आईतबार विहान करिब ३ बजेतिर घाँटी समातेर घर सदा घर आएपछि घटनाबारे थाहा भएको उनको परिवारजनले जानकारी दिए।

घटनाबारे अनुसन्धान भइरहेको जिल्ला प्रहरी कार्यालय धनुषाले जनाएको छ ।

बोल्न सक्ने अवस्थामा समेत नभएका शिवकुमारलाई उपचारको लागि विहान जनकपुर अञ्चल अस्पताल ल्याइएको थियो । तर यहाँ उपचार सम्भव नभएपछि थप उपचारको लागि विमानबाट काठमाडौं रिफर गरिएको छ ।

घटना कसले र किन गराएको भन्ने केही खुलेको छैन । घटनाबारे अनुसन्धान भइरहेको जिल्ला प्रहरी कार्यालय धनुषाले जनाएको छ ।