महोत्तरी प्रहरीद्धारा १ लाख बढीको पटाखा नष्ट

न्यूज ब्यूरो, महोत्तरी । महोत्तरीस्थित ईलाका प्रहरी कार्यालय गौशालाले एकलाख भन्दाबढि मुल्य बराबरको पटाखा नियन्त्रणमा लिई नष्ट गरेका छन् । आईतबार दिउँसो कार्यालयको परिसरमा पत्रकार सम्मेलनको आयोजना गरि नियन्त्रणमा लिएको १ लाख ५ हजार बराबरको पटाखालाई पानीले भिजाएर माटोमा पुरि नष्ट गरिएको हो ।

गत भदौ २३ गते प्रहरीको गस्ती टोलीले औरही नगरपालिका ४ कलिवासीमा वेवारिसे अवस्थामा ७० व्यान्डल फटका नियन्त्रणमा लिएको थियो । भारतीय सिमावर्ती क्षेत्रबाट गौशालातर्फबाट ल्याउदै गरेको अवस्थामा वेवारिसे अवस्थामा रहेको पटाखा प्रहरी नियन्त्रणमा लिएको प्रहरी नायव निरीक्षक प्रदीप भगतले बताउनुभयो ।

दिपावली आउनै लागेको समयमा व्यापारीले पटाखा ल्याउदै गरेको तर प्रहरीलाई देखेपछि छाडेर भागेको हुनसक्ने प्रहरीको अनुमान रहेको छ ।