आजदेखि 'जनकपुरधाम - पटना बस सेवा' सुरु, मुख्यमन्त्रीले देखाए हरियो झण्डा

न्यूज ब्यूरो, जनकपुरधाम । प्रदेश नं. २ को अस्थायी राजधानी जनकपुरधामबाट पटनाको लागि आईतबारदेखि विधिवत रुपमा बस सेवा सँचालन गरिएको छ ।

जनकपुरधामबाट छिमेकी मूलक भारतको विहार राज्यको राजधानी पटनासम्म चल्ने यो "जनकपुर- पटना" बस सेवालाई प्रदेश नं. २ का मुख्यमन्त्री मो. लालबाबू राउत र जनकपुरधामका मेयर लालकिशोर साहले हरियो झण्डा देखाएर शुभारम्भ गरेका छन् ।

नेपाल भारत मैत्री बस सेवा अन्तर्गत स्वयम्भू मन्जुश्री यातायात प्रा.लि. ले जनकपुरबाट बिहारको राजधानी पटना चल्ने बस सँचालनमा ल्याएको हो । जनकपुरधामबाट उक्त बसले पटनाको लागि २ सय १३ किलोमिटर दुरी तय गर्नेछ । यात्रुलाई एक तर्फि भाडा नेपाली चार सय ४० तोकिएको छ । जनकपुरबाट पटनाका लागि दैनिक दुई पटक बिहान १० बजे र राती ८ बजे बस खुल्ने संचालकले बताएका छन्।

उद्घाटन कार्यक्रममा मुख्य मन्त्री राउतले पटना सम्म बस सेवा सुरू हुँदा जनकपुरको पर्यटन बृद्धि हुने र आर्थिक कारोवार बढ्ने बताए ।

यस सम्बन्धी पहिलो समाचार

भदौ ३१ देखि पटना–जनकपुरधाम बस सेवा सञ्चालन हुँदै