शान्ती सुरक्षाबारे धनुषामा एक दिने अन्तरक्रिया सम्पन्न

न्यूज ब्यूरो, धनुषा । पर्यटकीय स्थलको रुपमा रहेको धनुषाधाममा वर्तमान शान्ती सुरक्षा व्यवस्थाबारे एक दिने अन्तरक्रिया कार्यक्रम सम्पन्न गरिएको छ । ईलाकाको वर्तमान शान्ती सुरक्षाको अवस्थाबारे स्थानीय सरोकारबालाहरुसँगको उपस्थितीमा उक्त अन्तरक्रिया कार्यक्रम गरिएको हो ।

धनुषाका प्रमुख जिल्ला अधिकारी प्रेम लाल लामिछानेको प्रमुख आतिथ्यमा सम्पन्न भएको उक्त अन्तरक्रियामा कार्यक्रमा सहभागीहरुले जनतालाई सुरक्षा व्यवस्थाको अनूभूति गराउनको लागि सरोकारबालाहरुको चासो र पहल तथा आवश्कता बारे औल्याइएको थियो ।

धनुषाका प्रहरी प्रमुख प्रहरी उपरीक्षक गोबिन्द थपलियाको विशेष आतिथ्य रहेको उक्त अन्तरक्रियामा सुरक्षा निकायका पदाधिकारीहरुले आ आफ्नो मनतव्य राखेका थिए । राष्ट्रिय अपराध अनुसन्धान प्रहरी उपरीक्षक शेरजङ्ग बहादुर चन्द लगायत धनुषाधाम नगरपालिकाकी उपमेयर बिधा देबि भुजेल, स्थानीय जनप्रतीनिधी, विभिन्न राजनीतिक दलका प्रतीनीधि, सरोकारबाला, अधिकारीहरुको उपस्थिति रहेको थियो ।

ईलाका प्रहरी कार्यालय धनुषाधामको आयोजनामा भएको उक्त अन्तरक्रिया कार्यक्रमा उपस्थित सुरक्षा निकायका पदाधिकारीहरुले अहिले समाजिक विकृतीको रुपमा रहेको लागू औषध, युवाहरुको कुलत र लागूऔषध दुव्र्यशनीको बारेमा प्रकाश पारिएको थियो ।