राज्यमन्त्री मण्डलले लगाए सडकमा झाडु

न्यूज ब्यूरो, सिरहा । प्रदेश नं. २ का उद्योग, पर्यटन वन तथा बातावरण राज्यमन्त्री सुरेश मण्डलले सडकमा झाडु लगाएका छन् । विश्व सरसफाई दिवसको अवसरमा मधेश नेपाल युवा ट्रष्ट सिरहाले आयोजना गरेको सरसफाई कार्यक्रमको प्रमुख अतिथि समेत रहनुभएका राज्यमन्त्री मण्डल सडक बढारेका हुन् ।

सिरहा नगरपालिका वडा नम्बर १६ खिरौना चोकदेखी माडर बस स्टेसनसम्मको मुख्य सडक सरसफाई गरिएको छ । राज्यमन्त्रीले मण्डलले झाडु लगाउँदै सरसफाई अभियानमा सबैलाई जुट्न समेत आग्रह गरे ।

शनिवार १५ सेप्टेम्बर बिश्व सरसफाई दिवसको अवसरमा “सफा रहु, स्वच्छ बनौं” भन्ने मुल नाराका साथ सयौंको संख्यामा युवाहरुको सहभागीतामा सरसफाई कार्यक्रम गरिएको हो ।