मोरङको छुट्टा- छुट्टै स्थानमा दुर्घटना, २ को मृत्यु ५ घाईते !

न्यूज ब्यूरो, विराटनगर । एक नम्बर प्रदेश अन्तर्गत मोरङको छुट्टा छुट्टै स्थानमा भएको सवारी दुर्घटनामा परी २ जनाको मृत्यु भएको छ भने ५ जना घाईते भएका छन् ।मोरङ जिल्लाको बिराटनगर महानगरपालिका-९ स्थित पाँचाली मोडमा मंगलवार विहान भारतीय नम्बरको ट्रकको ठक्करबाट मोटरसाईकलमा सवार १ जनाको मृत्यु भएको छ ।

बिहान सवा ११ बजे उत्तरबाट दक्षिण तर्फ जाँदै गरेको HR ५५ L १४१९ नम्बरको भारतीय नम्बरको ट्रकले विपरित दिशा तर्फ जाँदै गरेको को ५ प ३२०० नम्बरको मोटरसाईकललाई ठक्कर दिएको थियो ।

मँगलबार ठक्करबाट मोटरसाईकलको पछाडी सवार मोरङ रंगेली नगरपालिका ७ बस्ने ३० बर्षीया आँशु अग्रवालको घटनास्थलमा नै मृत्यु भएको हो भने मोटरसाईकल चालक निजकै ३८ बर्षीय श्रीमान मनोज अग्रवाल र ६ बर्षीया छोरी अनिषा अग्रवाल घाईते भई सप्तकोशी अस्पताल विराटनगरमा उपचार भईरहेको छ ।

ठक्कर दिने ट्रक र चालकलाई जिल्ला प्रहरी कार्यालय मोरङको नियन्त्रणमा राखिएको छ । त्यसैगरी मोरङको कानेपोखरी गाउँपालिका(७ स्थित राजमार्गमा मंगलबार बिहान कारले पछाडीबाट बसलाई ठक्कर दिँदा एक जनाको मृत्यु भएको छ । पश्चिमबाट पूर्व तर्फ जाँदै गरेको बा १९ च ६१२२ नम्बरको कारले सोही दिशा तर्फ जाँदै गरेको को १ ख ६४३५ नम्बरको बसलाई ठक्कर दिएको थियो ।

ठक्करबाट कारमा सवार सुनसरी धरान उप- महानगरपालिका- १ बस्ने बर्ष ५५ की ललिता अग्रवाल गम्भीर घाईते भई उपचारको लागि स्थानीय अस्पताल पथरी पठाईएकोमा उनको सोही अस्पतालमा उपचारको क्रममा मृत्यु भएको थियो ।

दुर्घटनामा परि कार चालक चितवन भरतपुर उप(महानगरपालिका(१ बस्ने बर्ष ३२ को अनिल अग्रवाल, निजको श्रीमती बर्ष ३० कि गीता अग्रवाल र निजको छोरा बर्ष ९ को बरुण अग्रवाल समेत घाईते भई उपचारको लागि न्यूरो अस्पताल बिराटनगर पठाएको छ भने कार, बस र चालकलाई ईलाका प्रहरी कार्यालय पथरीको नियन्त्रणमा राखिएको छ